उच्च पहाडमा हिमापात र तराईमा हुस्सु, जनजीवन प्रभावित – Naya Bikalpa
November 21, 2026, Saturday      Epaper

उच्च पहाडमा हिमापात र तराईमा हुस्सु, जनजीवन प्रभावित

काठमाडौं । हाल देशमा पश्चिमी वायुको सामान्य प्रभाव रहेको छ ।
जल तथा मौसम विज्ञान विभाग, मौसम पूर्वानुमान महाशाखाका अनुसारअहिले बिहान देशका पहाडी भूभागमा आंशिक बदली रही बाँकी भूभागमा मौसम मुख्यतया सफा रहेको छ। तराईका थोरै स्थानहरूमा हल्का हुस्सु र कुहिरो लागेको महाशाखाले बताएको छ।

सोमबार दिउँसो कोशी प्रदेशको हिमाली भूभागमा आंशिकदेखि साधारणतया बदली रहनेछ। हिमाली भूभागमा हल्का हिमपातको सम्भावना छ। पहाडी भूभागमा आंशिकदेखि साधारणतया बदली रही एकदुई स्थानमा हल्का वर्षाको सम्भावना रहेको महाशाखाले जनाएको छ।

मधेस प्रदेशमा आंशिक बदलीदेखि मौसम मुख्यतया सफा रहनेछ।

बागमती प्रदेशका हिमाली भूभागमा आंशिकदेखि साधारणतया बदली र थोरै स्थानमा हिमपातको सम्भावना रहेको महाशाखाले बताएको छ। बागमतीको पहाडी भूभागमा साधारणतया बदलीको सम्भावना छ।

गण्डकी प्रदेशको हिमाली, पहाडी तथा तराई भूभागमा आंशिकदेखि साधारणतया बदलीको सम्भावना रहेको महाशाखाले जानकारी दिएको छ। गण्डकीका हिमाली भूभागमा हिमपातको सम्भावना छ।

लुम्बिनीका पहाडी भूभागमा पनि आंशिकदेखि साधारणतया बदली र तराई क्षेत्रमा आंशिक बदलीदेखि मुख्यतया मौसम सफा रहनेछ।

कर्णाली र सुदूरपश्चिमका हिमाली क्षेत्रमा आंशिकदेखि साधारणतया बदलीको सम्भावना छ। ती प्रदेशमा आंशिक बदलीको सम्भावना छ। कर्णालीका हिमाली भूभागमा हिमपातको सम्भावना रहेको जल तथा मौसम विज्ञान विभाग, मौसम पूर्वानुमान महाशाखाले जानकारी दिएको छ।

सम्बन्धित समाचार

सरोजकुमार यादव मधेस प्रदेशको मुख्यमन्त्री नियुक्त
सरोजकुमार यादव मधेस प्रदेशको मुख्यमन्त्री नियुक्त
  • २०८१ माघ २८, ०८: २७

जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०८१ माघ २८, ०८: २७

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०८१ माघ २८, ०८: २७

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...