लँजुवाःतय् सुरक्षाया निंतिं ‘पेलिकन’ जडान

नयाँ विकल्प संवाददाता
प्रकाशित मिती: २०८१ माघ २९, २१: ३०

येँ : सतक पार यायेगु इलय्् लँजुवाःया सुरक्षायात प्राथमिकताय् तयाः येँ महानगरपालिकां ३६ गू थासय् ‘अन डिमान्ड पेडेष्ट्रियन क्रसिङ’ (पेलिकन) प्रणाली जडान याःगु दु ।

थगुने कामपां बबरमहलय् ‘बटम’ तियाः लँ वारपार यायेगु थुगु प्रणाली जडान याःगु खः । थुगुसी थ्व हे प्रणाली मेमेथाय् नं जडान याःगु खः ।

कामपाया ट्राफिक व्यवस्थापन सल्लाहकार जगतमान श्रेष्ठया कथं ३६ गू थासय् थुजाःगु प्रणाली जडान याये धुंकूगु व १३ थाय् छ्यलाबुलाय् वयेधुंकूगु दु । मेमेथाय् प्राविधिक ज्या जुयाच्वंगु दु । थँबही, महाराजगञ्ज, नक्साल, बालुवाटार, गौशाला, प्रदर्शनीमार्ग, बागबजाः, ताहाचाललिसेंया थासय् थुजागु प्रणाली जडान यायेधुंकूगु धकाः श्रेष्ठं धयादिल ।

उगु प्रणाली विशेष यानाः सतकनापं स्वानाच्वंगु येँमनपाया ब्वनेकुथि व अस्पताल न्ह्यनेया जेब्राक्रसय् तःगु खः । माः कथं मेमेथाय् नं जडान यायेगु तयारी जुयाच्वंगु येँमनपां धाःगु दु । सल्लाहकार श्रेष्ठं धयादिल, “थ्व ज्याया निंतिं येँमनपां थुगु आर्थिक दँय् निगू क्वःति बजेत विनियोजन याःगु दु । थुगु प्रणाली कथं लँजुवाःतय्सं आवश्यकता कथं जेब्राक्रसय् वाउँगु व सवारी न्ह्याइगु पाखे ह्याउँगु मत च्याका लँ पार याये फइ ।

ब्वनेकुथि वये वनेगु इलय् दुर्घटना अप्वः जुइगु जुयाः येँमनपां पेलिकन प्रणाली जडान यानाःगु धकाः धाःगु दु । थूगु प्रणालीइ लँजुवाःतय्सं ‘स्विच तिया’ न्यागू सेकेन्डय् जेब्रा क्रसपाखे वाउँगु व सवारी न्ह्याइगुपाखे ह्याउँगु मत च्याइ । छक्वः तिइबले ३० सेकेन्ड मतः च्याइ । न्हापांगु ३० सेकेन्ड च्याःगु ई क्वचायेधुंकाः निगू मिनेटलिपा तिनि लँजुवाःतय्सं हाकनं स्विच ती फइ ।

ब्वनेकुथि लागाय् जडान यायेधुंकाः लँजुवाःत अप्वः जुइगु मेमेथाय् नं पेलिकन प्रणाली जडान यायेगु तयारी जुयाच्वंगु येँमनपां धाःगु दु ।

सम्बन्धित समाचार

बुद्ध जयन्तीकै दिन भत्काइयो गुम्बा

२०८१ माघ २९, २१: ३०

काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...