- अनामनगर काठमाडौँ
- infobikalpa21@gmail.com
मनहरी : उपप्रधान व शहरी विकासमन्त्री प्रकाशमान सिंहं व्यवस्था हिलेधुंका वःगु उपलब्धियात संस्थागत यायेमाः धयादीगु दु ।
नेपाली कांग्रेस मकवानपुरं थौं हेटौँडाय् ग्वसाःग्वःगु कार्यकर्ता भेटघाट ज्याझ्वःयात सम्बोधन यासें वय्कलं व्यवस्थाया उपलब्धियात संस्थागत यासें सकारात्मक कथं न्ह्याः वनेमाःगु खँय् बः बियादिल । वय्कलं राजनीतिक ह्यूपाःयात जोगेयायेत आर्थिक समृद्धिया खँय् ध्यान बिइमाःगु धयादिल ।
आर्थिक समृद्धियात नागरिकतय्सं महसुस याःसा जक व्यवस्था स्थिर जुइफै धैगु वय्कःया धापू दु । उपप्रधानमन्त्री सिंहं नागरिकतय्त लक्ष्य यानाः संविधानं निर्दिष्ट यानातःगु अधिकारया सहज उपयोग याकेफयेकेया निंतिं सरकारं ज्या यायेमाःगु धासें नागरिकया आवश्यकता व चाहना पूवंसा जक राजनीति सही लँपुइ वइगु जूगुलिं थुकी कांग्रेसं विशेष ध्यान बिइमाः धयादिल ।
आःया इलय् नागरिकतय्सं लजगाः व विकास निर्माणया आशा यानाच्वंगु व लजगाःया निंतिं देय् पिने वनीगु लकस दिकेमाः धकाः वय्कलं धयादिल । व हे कथं थ्व सरकारं ज्या यानाच्वंगु धयादिसें वय्कलं राजनीतिक स्थायित्व दयेकाः नागरिकया आशाकथं ज्या यायेमाःगु मू भाला आःया सरकारया जूगु खँ कनादिल ।
पार्टी दुनेया विवाद समाधान यायेत च्वय्या संरचनानापंया समन्वय व सहकार्यय् बः बिइत निर्देशन बियादिसें वय्कलं पार्टी संगठन बल्लाकेत आम कार्यकर्तातय्त छप्पं छधी यायेमाःगुपाखे कांग्रेसया गति जुइमाः धयादिल ।
कांग्रेस मकवानपुरया सभापति बुद्ध लामाया नायःसुइ जूगु उगु ज्याझ्वलय् कांग्रेसया केन्द्रीय दुजः नापं बागमती प्रदेशया आर्थिक मामिला लिसें योजनामन्त्री कुन्दनराज काफ्ले, बागमती प्रदेश सभापति इन्द्रबहादुर बानियाँ नं दूगु खः ।
काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...
काठमाडौंः स्थानीय बजारमा आज सुनचाँदीकोे मूल्य बढेको छ । सुन प्रतितोला रु तीन हजार ४०० र चाँदी रु १३५ ले...
काठमाडौँ : सरकारले दोस्रो चरणअन्तर्गत काठमाडौँ उपत्यकाका बागमती तथा सहायक नदी किनारमा रहेका सुकुमबासीमा डोजर चलाउन थालेको छ । अहिले...
