लजगाः त्वःफ्यूपिं स्वद्वः नेपाःया ब्वनामितय्त नसात्वँसाया ग्वाहालि

नयाँ विकल्प संवाददाता
प्रकाशित मिती: २०८१ फाल्गुन १, २०: ११

टेक्सस : अमेरिकाया टेक्सस राज्यया थी थी विश्वविद्यालयसं ब्वनाच्वंपिं लजगाः मदूपिं नेपाःया ब्वनामितय्त नसात्वँसाया ग्वाहालि याइगु जूगु दु ।

टेक्ससया ड्यालस फोर्टवर्थ लागाय् च्वंपिं नेपाःमि सामाजिक अभियानकःमितय्सं समुदाय ज्याझ्वः नामं अभियान न्ह्याकाः थ्यंमथ्यं स्वद्वः नेपाली ब्वनामितय् निंतिं नसात्वँसा ग्वाहालि मुंकाच्वंगु दु ।

लजगाः मदयाच्वंपिं नेपाःया ब्वनामितय्त म्ह्वःतिं लच्छिया निंतिं माःगु नसात्वँसा कथं जाकि, केँ, चिकं, चि, चनालिसेंया नसात्वँसा बिइत्यंगु धकाः नेपाली समाज टेक्ससया महासचिव विजय भुसालं धयादिल ।

महासचिव भुसालया कथं आःतक ७०० सिबें अप्वः नेपाःया ब्वनामितय्सं नसात्वँसा कयायंके धुंकूगु दु । सवारीसाधन दुपिंसं नेपाली सांस्कृतिक व अध्यात्मिक केन्द्र युलेशपाखें नसात्वँसा काये फइगु व सवारीसाधन मदुपिंत उमिगु थाय्बाय्सं थ्यंकाबीगु व्यवस्था मिलेयानातःगु दु ।

राष्ट्रपति डोनाल्ड ट्रपया प्रशासनं गैरकानुनी आप्रवासीतय्त पितनाछ्वयेगु योजनायात कडा यानाहःसांनिसें थुकिया लिच्वः नेपाःया ब्वनामितय्त नं लावःगु दु । गैरकानुनी आप्रवासीतय्त मालेगु झ्वलय् प्रहरीं न्हिया न्हिथं द्वःलंद्वः व्यावसायिक फर्मय् छापा मारेयानाच्वंगु दु ।

थ्व हे झ्वलय् कानुनी कथं हे च्वंनाच्वंपिं व ज्या यायेगु उजं पौ (वर्क पर्मिट) दुपिं बाहेक व्यावसायिक फर्मय् ज्या यानाच्वंगु लूसा प्रहरीं चेतावनी बिइगु, ज्वनेगु व गुलिसितं देसं पितनाछ्वयेगु ज्या तकं जुयावयाच्वंगु दु । थुकिं नेपाःया ब्वनामितय्त नं लिच्वः लानाच्वंगु खः ।

गैरआवासीय नेपाली संघ अमेरिकाया धलः कथं आः अमेरिकाया थी थी विश्वविद्यालयलय् ५० द्वः नेपाःया ब्वनामिपिं ब्वनाच्वंगु दु ।

सम्बन्धित समाचार

बुद्ध जयन्तीकै दिन भत्काइयो गुम्बा

२०८१ फाल्गुन १, २०: ११

काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...