विपिनयात त्वतिकेया निंतिं ग्वाहालि यायेत परराष्ट्रमन्त्री देउवापाखें कतारी मन्त्रीयात इनाप

नयाँ विकल्प संवाददाता
प्रकाशित मिती: २०८१ फाल्गुन ४, २१: ००

येँ : परराष्ट्रमन्त्री डा आरजु राणा देउवां कतारया विदेशमन्त्री सुल्तान बिन साद बिन सुल्तान अल मुराइखीनाप थौं ओमनया राजधानी मस्कटय् नापलानादीगु दु ।

च्याक्वःगु हिन्द महासागरीय सम्मलेनय् ब्वति कायेगु झ्वलय् ओमनया मस्कटय् थ्यंकझापिं वय्कःपिं दथुइ थौं साइडलाइन नापलाये ज्या जूगु खः । नापलायेगु झ्वलय् वय्कःपिं दथुइ नेपाः व कतार दथुया स्वापू, हित व पारस्परिक लाभया थी थी विषयया नापनापं कतारय् नेपाःया ब्वनामितय्त छात्रवृत्ति लिसें दक्ष प्राविधिक जनशक्तिया विषयय् खँल्हाबल्हा जूगु खः ।

खँल्हाबल्हाया झ्वलय् मन्त्री डा देउवां हमास पुचःया नियन्त्रणय् लानाच्वंम्ह नेपाःमि विपिन जोशीयात त्वतिकेया निंतिं ग्वाहालि यानादीत मन्त्री मुराइखीयात इनाप यानादिल । मन्त्री डा देउवां इजरायल व हमास पुचःया दथुइ मध्यस्थता यानाः युद्धविराम व शान्ति वार्ताया निंतिं कतार सरकारं म्हितूगु भूमिकायात च्वछानादिसें हमासया नियन्त्रणय् लानाच्वंम्ह विपिनयात त्वतकेत विशेष पलाः न्ह्याकादिइत इनाप यानादीगु खः ।

छुं ई न्ह्यव नं मन्त्री डा देउवां कतारया विदेश राज्यमन्त्री डा मोहम्मद बिन अब्दुलाजिज अल–खुलाइफीनाप फोनय् खँल्हानाः व हे इनाप यानादीगु खः । खुलाइफी इजरायल सरकार व हमास दथुइया शान्तिवार्ताया मू वार्ताकार लिसें मध्यस्थकर्ता जुयादी ।

विपिनयात त्वतिकेया निंतिं नेपाः सरकारं थगुनेनिसें हे कूटनीतिक कुतः यानावयाच्वंगु दु । मन्त्री डा देउवां संयुक्त राष्ट्रसंघ, अन्तर्राष्ट्रिय लिसें क्षेत्रीय मञ्चय् व मुँज्याय् विपिनयात त्वतिकेया निंतिं इनाप यानावयाच्वनादीगु दु । सन् २०२३ या अक्टोबरय् इजरायली भूमिइ हयेकाःगु हमास पुचलं विपिनयात अपहरण यानायंकूगु खः ।

सम्बन्धित समाचार

बुद्ध जयन्तीकै दिन भत्काइयो गुम्बा

२०८१ फाल्गुन ४, २१: ००

काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...