
नयाँ बिकल्प,
काठमाडौं । दोलखाको सिंगटीमा निर्माण सम्पन्न भएर परिक्षण उत्पादन समेत भएको सिंगटी जलविद्युत आयोजनामा सर्बसाधरणले समेत अव लगानी गर्न पाउने भएका छन् ।
सिंगटी हाइड्रो इनर्जीले सर्वसाधारणका शुक्रबारबाट शेयर आवेदन दिन मिल्ने गरी शेयरको बिक्री खुलाएको हो । प्रतिकित्ता सय रुपैयाँ अंकित २९ करोड रुपैयाँ बराबरको २९ लाख कित्ता शेयर निष्कासन गरिएको कम्पनीले जनाएको छ ।
निष्कासन भएको शेयरमध्ये ५८ लाख रुपैयाँ बराबरको ५८ हजार कित्ता अर्थात २ प्रतिशत शेयर कम्पनीमा कार्यरत कर्मचारीका लागि सुरक्षित गरिएको छ ।
१ करोड ४५ लाख रुपैयाँ बराबरको १ लाख ४५ हजार कित्ता अर्थात ५ प्रतिशत सेयर सामूहिक लगानी कोषका लागि छुट्याइएको छ भने बाँकी २६ करोड ९७ लाख रुपैयाँ बराबरको २६ लाख ९७ हजार कित्ता सेयर सर्वसाधारणका लागि खुल्ला गरिएको हो ।
सर्वसाधारणले चैत ६गतेदेखि छिटोमा चैत १० गतेसम्म र ढिलोमा चैत २० गतेसम्म न्युनतम १० कित्तादेखि अधिकतम २ लाख कित्तासम्म आवेदन दिन पाउनेछन् ।
शेयर निष्कासन गरी बाँडफाँड गर्न मेगा क्यापिटललाई बिक्री प्रबन्धक तोकेको छ । कम्पनीले यसअघि पनि आयोजना प्रभावित स्थानीयका लागि छुट्याएको १४ करोड ५० लाख रुपैयाँ बराबरको १४ लाख ५० हजार कित्ता सेयर निष्कासन गरी बाडफाँड गरिसकेको छ ।
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...