आश्रमको भवन निर्माण गर्न संसदकोषबाट १० लाख सहयोग गर्ने प्रतिवद्धता – Naya Bikalpa
November 21, 2026, Saturday      Epaper

आश्रमको भवन निर्माण गर्न संसदकोषबाट १० लाख सहयोग गर्ने प्रतिवद्धता

भक्तपुर । सांसद सकुन्तला श्रेष्ठले छोरीको घर जेष्ठ नागरिक आश्रमको भवन निर्माणको लागि रु १० लाखबढी बजेट विनियोजन गर्ने घोषणा गरेकी छन ।मंगलबार चाँगुनारायण नगरपालिका वडा नं. ९ को ताथलीमा सञ्चालन भएको महायज्ञमा प्रमुख अतिथिका रुपमा सहभागि भएकी सांसद श्रेष्ठले प्रदेश सांसदकोषबाट उक्त रकम सहायोग गर्ने घोषणा गरेकि हुन ।

सांसद श्रेष्ठले भनिन, “यस्तो पुयण्को कार्य वालयोगेश्वर विजयमूर्ति महाराज श्रीले सुरु गर्नुभएको छ । यो काम हाम्रो हो । हाम्ले सुरु नगरेतापनि अबको भवन निर्माणको लागि १० लाख बढी बजेट विनियोजन गरेर सहयोग गर्ने छु ।”

सन्तान छैनन भनेर अब कुनै आमाबाबु वेवारिसे हुन नपर्ने भन्दै उनले यस्तो घोषणा गरेको बताइन ।गत आश्विन ११ गते देखि भक्तपुर चाँगुनारायण नगरपालिका ताथलीमा श्रीमद्भागवत पितृ मुक्ति ज्ञान महायज्ञ सञ्चालन भैरहेको छ ।

आश्रमले पूर्णता नपाएसम्म  सहयोग हुन्छः धनेश्वरी प्रजापति
कार्यक्रममा ताथलीमा बन्ने भनिएको छोरीको घर जेष्ठ नागरिक आश्रमले पूर्णता नपाएसम्म प्रदेशले सहयोग गर्ने बाग्मती प्रदेश सभा सदस्य धनेश्वरी प्रजापतिले बताएकी छन ।

बुधबार श्रीमदभागवत विराट पितृ मुक्ति ज्ञान महायज्ञमा सहभागी भएकी सांसद प्रजापतिले यस्तो बताएकी हुन । सांसद प्रजापतिले भनिन्, “प्रदेश सरकार सकारात्मक कार्यको लागि सधै सकारात्मक छ ।”

सांसद प्रजापतिले भनिन– “छोरीको घर जेष्ठ नागरिक आश्रमले पूर्णता नपाउदा सम्म प्रदेशबाट हुने सहयोगमा पनि पूर्णबिराम लाग्दैन । सधै सहयोगको लागि हाम्रो आवाज पुगिरहने छ ।”

सेवा गर्न कै लागि सांसद बनेः आले मगर
जनताको सेवा गर भनेर नै मलाई भगवानले पठाएको बाग्मति प्रदेश सभा सदस्य रमा आले मगरले बताएकी छन । पहिलो र दोस्रो कार्यकालका लागि जनताको सेवा गर्न भनेर भगवानले पठाएको उनको भनाइ छ ।

साँसद आले मगरले भनिन्, “सेवा गर्ने कार्य जोकोहिले पाउदैन । मैले जनताको सेवा गर्ने मौका पाएको छु । बालयोगेश्वर विजयमूर्ति महाराज श्रीले महायज्ञमार्फत आम भक्तजनहरुको सेवा गर्ने मौका पाउनुभएको छ । यो सबै भगवानको लिला हो आह्वान हो ।” छोरीको घर जेष्ठ नागरिक आश्रमा भवन निर्माणको सहयोगार्थ आयोजित महायज्ञमा सहभागि भएकी सांसद आले मगरले यस्तो बताएकी हुन ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०८० आश्विन २४, २०: ३८

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०८० आश्विन २४, २०: ३८

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०८० आश्विन २४, २०: ३८

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...