अबदेखि नौबस्ता क्षेत्रीय कारागारमा १८ वर्ष माथिका बालबन्दी मात्र राख्न शुरु – Naya Bikalpa
November 21, 2026, Saturday      Epaper

अबदेखि नौबस्ता क्षेत्रीय कारागारमा १८ वर्ष माथिका बालबन्दी मात्र राख्न शुरु

बाँके । नौबस्तामा निर्माण गरिएको क्षेत्रीय कारागारमा १८ वर्षमाथिका बालबन्दीलाई राख्न शुरु गरिएको छ । देशका विभिन्न ठाउँमा बबाल गरेपछि अपराध गरेर बाल सुधार गृहमा पुगेका १८ वर्षमाथिका बालबन्दीहरुलाई सरकारले नौवस्ता क्षेत्रीय कारागारमा राख्न शुरु गरेको हो ।

बालक तथा किशोरलाई बाल सुधार गृहमा राख्ने भनिए पनि १८ वर्ष नपुग्दै अपराध गरेका र तोकिएको सजाय काट्दा बढी उमेर भएका बालबन्दीलाई एकै ठाउँमा राखिदै आएको थियो । बाँके, ललितपुर, भक्तपुरलगायत देशका अन्य ठाउँमा बढी उमेर भएका बालबन्दीले ‘आतंक’ मच्चाएपछि छुट्टै ठाउँमा राखेर कारबाही प्रक्रिया शुरु गरेको हो ।

चारवटा ब्लक रहेको क्षेत्रीय कारागारको एउटा ब्लकमा बाल सुधार गृह सञ्चालन गरिएको बाँकेका सहायक प्रमुख जिल्ला अधिकारी टोपेन्द्रबहादुर केसीले बताए । क्षेत्रीय कारागारमा बनाइएको बाल सुधार गृहमा राख्न देशका विभिन्न ठाउँबाट बालबन्दी ल्याइरहेको सहायक प्रमुख जिल्ला अधिकारी केसीले बताए । बाल सुधार गृह सञ्चालनका लागि महिला, बालबालिका तथा ज्येष्ठ नागरिक मन्त्रालयले नासुस्तरको कर्मचारी खटाएको छ ।

सुरक्षाका लागि नेपाल प्रहरी र सशस्त्र प्रहरी तैनाथ गरिएको छ । प्रहरी नायव निरीक्षकको कमाण्डमा २५ जना र सशस्त्र प्रहरी निरीक्षकको कमाण्डमा ३० जना प्रहरीलाई नौवस्तामा राखिएको छ । डुडुवा बाल सुधार गृहमा असोज ४ गते राति बालबन्दी बीच झडप हुँदा एक जनाको मृत्यु भएको थियो । ११ जना घाइते भएका थिए । सोही कारागारबाट चारजना भागेका थिए ।

तीनजना अझै सम्पर्क विहिन छन् । दुई सय ५४ जना बालबन्दी रहेको यहाँ १८ वर्षमाथिका एक सय ६५ जना छन् । १८ वर्षमाथिकालाई क्षेत्रीय कारागार सार्ने तयारी भएको छ । नौ विगाहमा रहेको नौवस्ता क्षेत्रीय कारागार तीन हजार क्षमताको छ । देशभरकै कारागारमा कैदी बन्दीको संख्याबढी भएपछि सरकारले नौवस्तामा क्षेत्रीय कारागार बनाएर कैदी बन्दी राख्न शुरु गरेको हो ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०८० आश्विन २८, १९: २६

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०८० आश्विन २८, १९: २६

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०८० आश्विन २८, १९: २६

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...