अन्तराष्ट्रिय हवाई उडान,शैक्षिक संस्था र लामाे दुरीका सवारीसाधन असाेज १ गते सम्मका लागि बन्द

नयाँ विकल्प
प्रकाशित मिती: २०७७ श्रावण २७, ०६: ५१

नयाँ विकल्प,

काठमाडाैं- सरकारले लामो दूरीका यातायात, हवाई उडान र शैक्षिक संस्था असाेज १ गते सम्म बन्द राख्ने निर्णय गरेकाे छ  ।

काेराेना संक्रमण (काेभिड-१९) फैलिन सक्ने भन्दै सरकारले गत चैत ९ गते देखि लामाे दुरिका सवारी साधन अन्तराष्ट्रिय हवाइ उडान तथा शैक्षिक संस्था बन्द गर्ने निर्णय गरेकाे थियाे ।

विगत पाँच महिना देखि बन्द रहेका ति क्षेत्र यहि हप्ता अर्थात १ भदौबाट खोल्ने भनिएकाे थियाे । यसलाइ पुन थपेर एक महिना पछिमात्र भदाैं मसान्तसम्म नखोल्ने गरी सरकारको निर्णय आएको हो ।

सोमबार बसेको मन्त्रिपरिषद् बैठकले लामो दूरीका यातायात, हवाई उडान र शैक्षिक संस्था सञ्चालनबारे थप एकमहिना बन्द राख्ने निर्णय गरेकाे हाे ।

यसअघि मन्त्रिपरिषद् बैठकले भदौ १ देखि आन्तरिक तथा अन्तर्राष्ट्रिय उडान खुलाउने र लामो दूरीका यातायात पनि सञ्चालन गर्ने निर्णय गरेको थियो ।

सरकारले गत साता मात्रै काठमाडौैं उपत्यकाको हकमा सार्वजनिक र निजी दुवै सवारीमा जोर–बिजोर प्रणाली लागू गरेको छ । सरकारले ६ साउनको रातिदेखि लकडाउन अन्त्यको घोषणा गरे पनि हवाई र लामो दूरीमा सडक यातायात भने विगत पाँच महिनादेखि बन्द छन् ।