संयुक्त राष्ट्रसंघद्धारा नेपाल प्रहरीलाई स्वास्थ्य सामाग्री सहयाेग

नयाँ विकल्प,

काठमाडाैं-संयुक्त राष्ट्रसंघ अन्तर्गत अफिस फर प्राेजेक्ट सर्भिसेज ( युएनओपिएस) द्धारा नेपाल प्रहरीलाई विभिन्न स्वास्थ्य सामग्री सहयाेग गरिएकाे छ ।

विहिबार युएनओपिएस काे कार्यालय विशालनगरमा बिहीबार आयोजित एक कार्यक्रमबीच नेपालका कन्ट्री डाइरेक्टर चार्लेस कालानले नेपाल प्रहरीका केन्द्रीय प्रहरी प्रवक्ता प्रहरी वरिष्ठ उपरीक्षक कुँवेर कडायतलाई हस्तान्तरण गरेका हुन् ।

सहयाेग गरेकाे स्वास्थ्य सामग्री करिब ७० लाख रुपैयाँ मूल्य बराबरकाे रहेकाे प्रहरी मुख्यालयले जनाएकाे छ । । हस्तान्तरण गरिएका स्वास्थ्य सामग्रीहरुमा ५ सय थान मेडिकल पीपीई सेट, ५ सय थान फेस सिल्ड, ५ सय थान क्याप, ५ सय थान सु-कभर, ५ सय थान सर्जिकल ग्लोभ्स, ५० हजार थान सर्जिकल मास्क, ५० हजार थान नन-सर्जिकल रबर ग्लोभ्स, १६ लिटरको ५ सय थान डिसइनफेक्टेन्ट स्प्रे, १ हजार २ सय लिटर डिसइनफेक्टेन्ट लिक्विड र ५ सय थान थर्मोमिटर गन रहेका छन् ।

साे कार्यक्रममा प्रहरी वरिष्ठ उपरीक्षक एसएसपी कुवेर कडायतले संयुक्त राष्ट्रसंघ अफिस फर प्राेजेक्ट सर्भिसेज सहयोग र समन्वयप्रति आभार प्रकट गर्दै आगामी दिनमा नेपाल प्रहरी र युएनओपिएस बिचको सम्बन्ध थप मजबुद हुने विश्वास व्यक्त गरे ।

कन्ट्री डाइरेक्टर चार्लेस नेपाल प्रहरीसँगको सम्बन्धलाई थप मजबुद बनाउँदै सहकार्य र समन्वयलाई निरन्तरता दिने बताए । नेपाल प्रहरीलाई आवश्यक साथ र सहयोग प्रदान गर्नका लागि आफू सदैव तत्पर रहेको चार्लेसले सहयाेग गर्न पाएकाे मा खुसी ब्यक्त गरेका थिए ।