सिन्धुपाल्चोकको जुगल गाउँपालिका लामा टोलमा भिषण पहिराे, पाँच परिवार वेपत्ता

नयाँ विकल्प
प्रकाशित मिती: २०७७ श्रावण ३०, ०८: ५३

नयाँ विकल्प,

काठमाडाैं- अविरल वर्षाका कारण सिन्धुपाल्चोकको जुगल गाउँपालिका-२ लिदिको लामा टोलमा पहिरो जाँदा १३ वटा घर पुरिएका छन् ।
पाँच घर परिवारका सदस्यहरु हराइ रहेका छन् । शुक्रबार बिहान करिब ६ बजेतिर आएको पहिरोले घरहरु पुरिएका हुन् ।पहिराे गएकाे स्थानका पाँच परिवारमा कति जना थिए भन्ने पत्ता लागेकाे छैन् । पहिराेले पुरिएका घरका १५ जना भागेर बाच्न सफल भएका छन् ।

सो क्षेत्रमा २५–३० घरहरु पहिराेकाे जोखिममा रहेका छन् । ति घरका मानिसलाइ सुरक्षित स्थानमा ल्याइएकाे छ । जिल्ला प्रहरी कार्यालय सिन्धुपाल्चाेकका प्रमुख एसपी प्रज्वल महर्जनका अनुसार पहिराे गएकाे स्थानमा नेपाल प्रहरी , नेपाली सेना तथा सशस्त्र प्रहरी उद्दारमा खटिएका छन् ।

मर्हजनका अनुसार अविरल बर्षा नराेकिएकाेले उद्दारमा समस्या देखिएकाे र क्षतिकाे विवरण आइ नसकेकाे बताए । यसअघि गत १९ साउनमा सिन्धुपाल्चोकको मेलम्ची नगरपालिका–११ मा पहिरोमा पुरिएर ८ जनाको मृत्यु भएको थियो ।

जिल्लामा पहिराेका कारण ज्यान गुमाउनेकाे संख्या १८ पुगेकाे छ भने पहिरोमा बेपत्ता भएका २० जना अझै फेला परेका छैनन् ।