
नयाँ विकल्प,
काठमाडाैं-कालिकोट जिल्लाको महाबै गाउँपालिका वडा नम्बर ३ मा बिहीबार राति घरकाे छत खस्दा च्यापिएर दुइ किशाेरी सहित ६ बालबालिकाको मृत्यु भएको छ।
जिल्ला प्रहरी कार्यालय कालिकाेटका प्रमुख डिएसपी श्यामबाबु ओलीका अनुसार वडा सदस्य रजबहादुर विष्टको पक्की घरमा रहेकाे जस्ता पाताले बनेकाे छत खस्दा च्यापिएर उनिहरूकाे मृत्यु भएकाे हाे ।
मृत्यु हुनेमा रजबहादुर विष्टका १८ बर्षीय छाेरी सविना विष्ट,१३ बर्षीय छाेरा पुष्प विष्ट, ११ बर्षीय छाेरा प्रविण विष्ट र छाेरी आशा विष्ट काे मृत्यु भएकाे हाे । साेहि घटनामा छिमेकी डिल्ली बहादुर विष्टका दुइ छाेरी १९ बर्षीय शान्ती विष्ट र १० बर्षीय रेखा विष्टकाे छतले च्यापेर मृत्यु भएकाे छ ।
छिमेकी डिल्ली बिष्टका दुइ छाेरी साेही घरमा सुत्न आएकाे र छत खसेर भएकाे दुर्घटनामा परेकाे प्रहरीले जनाएकाे छ ।
अनुसार रातको १२ बजेतीर पहिरो घरको छानो भत्काउँदै छिरेको थियो। सोही पहिरोले सुतिरहेको अवस्थामा पुर्दा उनीहरूलाई पुरेको हो। सदस्य विष्ट आफ्नो पत्नीसहित तल्लो तल्लामा सुतेका थिए र पहिरोले त्यहाँसम्म क्षति पुर्याउन नसकेकाले बाँच्न सफल भएको डिएसपी ओलीले बताए ।
हाल मृतक ६ जना बालबालिकाको शव बाहिर निकालिसकिएको छ। यसैगरी जिल्लाकै नरहरीनाथ गाउँपालिकाको कुमाल गाउँको वडा नम्बर १ मा बिहीबार ने गएको पहिरोमा परि हजुबुवा र नाती गम्भीर घाइते बनेका छन्। उनिहरूकाे अवस्था चिन्ताजनक रहेकाे जिल्ला प्रहरी कार्यालय कालिकाेटले जनाएकाे छ ।
काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...
काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...
काठमाडौं । हाल नेपालमा कुनै उल्लेखनीय मौसमी प्रणालीको प्रभाव नरहेको मौसम पूर्वानुमान महाशाखाले जनाएको छ । महाशाखाका अनुसार देशको हिमाली...