सिन्धुपाल्चोककाे पहिराेमा ११ काे मृत्यु, गृहमन्त्री थापा र सभामुख सापकाेटा प्रभावित क्षेत्रमा – Naya Bikalpa
November 20, 2026, Friday      Epaper

सिन्धुपाल्चोककाे पहिराेमा ११ काे मृत्यु, गृहमन्त्री थापा र सभामुख सापकाेटा प्रभावित क्षेत्रमा

काठमाडाैं- अविरल वर्षाका कारण सिन्धुपाल्चोकको जुगल गाउँपालिका-२ लिदिको लामा टोलमा पहिरो जाँदा १३ वटा घर पुरिएका छन् ।पहिराेमा पुरिएर ११ जनकाे मृत्यु भएकाे छ ।

पहिराेले पुर्याएकाे क्षति बारे स्थलगत निरिक्षणाका लागी गृहमन्त्री रामबहादुर थापा बादल गृहसचिव महेश्वर न्याैपाने सहित प्रभावित क्षेत्रमा पुगेका छन् ।

गृहमन्त्री थापाले पहिराेले घर विहिन भएका ४० परिवारलाइ अवास्यक खानेकुरा , कपडा लगायत टेन्ट समेत वितरण गरेका छन् । गृहमन्त्री थापाले पहिराे प्रभावीत परिवारलाइ जनहि २ लाख रकम उपलब्ध गराएका छन् ।

अविरल बर्षाका कारण गाउँमाथिबाट खसेको पहिरोले ३७ घरमा गम्भीर क्षति पुगेको छ जसमध्ये १३ घर पूर्णतः पुरिएका छन् ।

पहिरोमा परेका ३८ जना स्थानीयमध्ये ११ जनाको शव निकालिएको छ । तत्काल ५ जना घाइतेको उद्दार गरी उपचारका लागि चौतारा र काठमाडौँ पठाइएकाे छ ।

पहिरोस्थल पुुगेको नेपाली सेनाको टोलीसँगको समन्वयमा तत्काल खोजी कार्य सुरु गरिकाे छ । नेपाली सेना, नेपाल प्रहरी र स्थानीय बासिन्दाको सक्रियतामा पुरिएकाहरुको खोजी कार्य जारी छ ।

पहिरोका कारण विस्थापित भएकाहरुका लागि तत्काल राहत सामग्री पठाउने काम भएको छ । बेपत्ताहरुको खोजी र पुनस्र्थापनाका लागि पहल जारी रहेकाे छ ।

पाँच घर परिवारका सदस्यहरु हराइ रहेका छन् ।

शुक्रबार बिहान करिब ६ बजेतिर आएको पहिरोले घरहरु पुरिएका हुन् ।पहिराे गएकाे स्थानका पुरिएर १० जनाकाे मृत्यु भएकाे छ । मृतककाे सनाखत भने हुन बाँकी छ ।

पहिराे गएकाे क्षेत्रमा हराइरहेका पाँच परिवारमा कति जना थिए भन्ने पत्ता लागेकाे छैन् । पहिराेले पुरिएका घरका १५ जना भागेर बाच्न सफल भएका थिए ।

सो क्षेत्रमा २५–३० घरहरु पहिराेकाे जोखिममा रहेका छन् । ति घरका मानिसलाइ सुरक्षित स्थानमा ल्याइएकाे छ । जिल्ला प्रहरी कार्यालय सिन्धुपाल्चाेकका प्रमुख एसपी प्रज्वल महर्जनका अनुसार पहिराे गएकाे स्थानमा नेपाल प्रहरी , नेपाली सेना तथा सशस्त्र प्रहरी उद्दारमा खटिएका छन् ।

तस्विर साैजन्यः गृहमन्त्रीका प्रेस सल्लाहकार किरण भट्टराइ बाट


सम्बन्धित समाचार

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ श्रावण ३०, १७: २७

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...

हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
  • २०७७ श्रावण ३०, १७: २७

काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...

आजको मौसम : तराई र उपत्यकामा हुस्सु तथा कुहिरो लाग्ने
आजको मौसम : तराई र उपत्यकामा हुस्सु तथा कुहिरो लाग्ने
  • २०७७ श्रावण ३०, १७: २७

काठमाडौं । हाल नेपालमा कुनै उल्लेखनीय मौसमी प्रणालीको प्रभाव नरहेको मौसम पूर्वानुमान महाशाखाले जनाएको छ । महाशाखाका अनुसार देशको हिमाली...