संसद सचिवालयको लापरवाहीको अर्को नमुना

सहसचिव पाण्डेको उमेर १०८ बर्ष !

नयाँ विकल्प,
काठमाडौं । संघीय संसद सचिवालयका कर्मचारीको लापवाही र गैरजिम्मेवार कार्यको अर्को नमुना फेला परेको छ । संसद सचिवालयका प्रवक्ता समेत रहेका सहसचिव डा. रोजनाथ पाण्डेको उमेर १०८ बर्ष उल्लेख गरिएको छ ।

संसद सचिवालयको वेभसाईटमा प्रवक्ता तथा संसद सचिवालयको आन्तरिक सेवा तथा योजना व्यवस्थापन महाशाखाका प्रमुख सहसचिव पाण्डेको उमेर मात्र अस्वभाविक उल्लेख गरिएको छैन कि उनको जन्म स्थान ‘धदिङ’ जिल्लामा भएको उल्लेख छ ।

निजामति सेवा ऐन अनुसार संसद सेवाका कर्मचारी डा. पाण्डेले पनि अन्य कर्मचारी सरह ५८ वर्षसम्म मात्र सेवामा बहाल हुन पाउँछन् । त्यस्तै नेपालभर ‘धदिङ’ जिल्ला पनि छैन् । जन्म स्थान भने गजुरी गाउँपालिका – २ धादिङ उल्लेख गरिएकाले जन्मस्थान पनि सम्भवत धादिङ नै होला भनेर अन्दाज गर्न भने मिल्छ ।