अछाममा कैलास खाेलामा आएकाे बाढीले बगाउँदा ५ जनाकाे मृत्यु, १७ जना वेपत्ता, सैनिबजार बगरमा परिणत

नयाँ विकल्प
प्रकाशित मिती: २०७७ भाद्र ३, ११: २२

नयाँ विकल्प
काठमाडाैं- अछाम जिल्लाकाे रामारोशन गाउँपालिका–५ मा बाढिले बगाउँदा ६ जनाकाे मृत्यु भएकाे छ । १७ जना वेपत्ता रहेका छन् ।

सुदुरपश्चिम प्रदेश प्रहरी कार्यालयका प्रवक्ता वरिष्ठ प्रहरी उपरिक्षक एसएुसपी मुकेश कुमार सिंहका अनुसार बुधबार विहान ४ बजेकाे समयमा स्थानीय कैलास खाेलामा आएकाे बाढीका कारण सैनी बजार बगाउँदा ठुलाे ठुलाे जनधन तथा मानवीय भएकाे छ ।

बाढीले बगाउँदा मृत्यु भएका ५ जनाकाे शव फेला परेकाे छ १७ जना हराइरहेका छन् । खाेलाले बगाएर फेला परेका ५ शव मध्ये ३ वटा जयगढ नगरपालीका- ६ दर्नामा ३ बटा शव फेला परेका छन्।

त्यस्तै प्रहरीले दुइवटा शव मंगलसेन नगरपालीका-३ कैलास खाेलामा फेला परेकाे सिंहले बताए । खाेलाले बगाएर क्षत विक्षत भएका शव सजिलै चिन्ने अवस्थामा नरहेकाले मृतकहरुको सनाखत हुन सकेको छैन ।

फेला परेका शव सैनी बजारका हराइरहेका मध्यका हुन वा अरूकाे हाे भन्ने बारे अहिले सम्म पहिचान हुन सकेकाे छैन् ।

कैलाश खोलाले सैनबजार क्षेत्र पुरै बगाएको छ । त्यहाँ रहेका करिब १६ घर बाढीले बगाएको प्रहरीकाे अनुमान छ । सैन बजार अहिले बगरमा परिणत भएको छ बाढिले बगाएर भएकाे क्षतिकाे विबरण भने आउन बाँकी रहेको प्रहरीले जनाएको छ ।

उक्त क्षेत्रमा खाेजि तथा उद्दारकालागि नेपाल प्रहरी, सशस्त्र प्रहरी, नेपाली सेना लगायत स्थानीयवासी समेत उद्धारमा खटिएका छन् ।