- अनामनगर काठमाडौँ
- infobikalpa21@gmail.com
काठमाडौं। राष्ट्रपति रामचन्द्र पौडेलले मुलुकमा विकसित पछिल्लो परिस्थितिप्रति चासो व्यक्त गर्दै राजनीतिक दललगायत सबै पक्षलाई साथमा लिएर संयमतापूर्वक अवस्था सामान्य बनाउन तथा सामाजिक सद्भाव कायम गर्न प्रधानमन्त्री बालेन्द्र शाहलाई आग्रह गरेका छन्।
प्रधानमन्त्री नियुक्त भएपछि पहिलोपटक राष्ट्रपति भवन शीतलनिवास पुगेका प्रधानमन्त्री शाहले सुनसरी घटनापछि मुलुकमा उत्पन्न सुरक्षा तथा समसामयिक अवस्थाबारे राष्ट्रपतिलाई जानकारी गराएका थिए।
राष्ट्रपतिका प्रेस सल्लाहकार किरण पोखरेलका अनुसार भेटका क्रममा राष्ट्रपति पौडेलले देशका विभिन्न स्थानमा भएका हिंसात्मक घटनाबारे जानकारी लिँदै शान्ति, सुरक्षा र सामाजिक सद्भाव कायम गर्न सरकारले प्रभावकारी पहल गर्नुपर्नेमा जोड दिएका थिए।
सल्लाहकार पोखरेलका अनुसार राष्ट्रपति पौडेलले सबै राजनीतिक दल र सरोकारवाला पक्षसँग समन्वय गरी संयमतापूर्वक परिस्थितिलाई सामान्य बनाउन प्रधानमन्त्रीलाई आग्रह गरेका हुन्।
जवाफमा प्रधानमन्त्री शाहले शान्ति सुव्यवस्था कायम गर्न सरकारले आवश्यक कदम चालिरहेको जानकारी गराएका थिए।
यसअघि बिहीबार साँझ राष्ट्रका नाममा सम्बोधन गर्दै प्रधानमन्त्री शाहले नागरिकको जिउधनको सुरक्षा सुनिश्चित गर्न सरकार थप जिम्मेवार र सक्रिय रहने प्रतिबद्धता व्यक्त गरेका थिए। राष्ट्रपति र प्रधानमन्त्रीबीच करिब १५ मिनेट छलफल भएको थियो।
काठमाडौं : देशभर मनसुनी वायुको प्रभाव कायम रहेको तथा मनसुनको न्यूनचापीय रेखा पश्चिम नेपालमा सरदर स्थानभन्दा दक्षिणतिर र पूर्वी नेपालमा...
काठमाडौं : सुनसरी घटनाको विरोधमा सिरहाको गोलबजारमा भएको प्रदर्शनका क्रममा प्रहरीको गोली लागेर मृत्यु भएका औरही गाउँपालिका– २, तुलसियाहीका १५...
काठमाडौं : नेपाल अडिटर्स एसोसिएसन (अडान) ले आफ्नो २१औं स्थापना दिवसको अवसरमा सामाजिक उत्तरदायित्व अन्तर्गत राहत वितरण कार्यक्रम सम्पन्न गरेको...
