नागको पूजाअर्चना गरी आज नागपञ्चमी मनाइँदै – Naya Bikalpa
November 22, 2026, Sunday      Epaper

नागको पूजाअर्चना गरी आज नागपञ्चमी मनाइँदै

काठमाडौं । नागको पूजाअर्चना गरी आज नागपञ्चमी पर्व मनाइँदै छ । प्रत्येक वर्ष श्रावण शुक्ल पञ्चमीका दिन नागपञ्चमी मनाउने परम्परा छ ।

नागपञ्चमीका अवसरमा बिहानै स्नान गरी दियो, कलश र गणेशको पूजा गरेपछि घरको मूलढोकामा गाईको गोबर प्रयोग गरी नागको चित्र टाँस्ने गरिन्छ । त्यसपछि नागको चित्रमा दही, दुबो, कुश, सिन्दूर र चन्दन अर्पण गरी विधिपूर्वक पूजा गरिन्छ ।

नागको पूजा गरेमा वर्षभरि घरमा सर्प, बिच्छी लगायत विषालु जीवको भय नहुने धार्मिक विश्वास छ । नागलाई देवताको रूपमा सम्मान गर्दै पूजा गर्ने परम्परा सनातन संस्कृतिमा प्राचीन समयदेखि चलिआएको मानिन्छ ।

हिन्दू धर्मग्रन्थहरूमा नागसँग सम्बन्धित विभिन्न प्रसङ्ग उल्लेख छन् । भगवान् श्रीकृष्णले बाल्यकालमै कालीनागको दमन गरेको कथा पुराणहरूमा वर्णन गरिएको छ । भगवान् विष्णुको नवौँ अवतारका रूपमा मानिने बुद्धको मूर्तिमा समेत शिरमाथि सर्पको आकृति देखाइन्छ । त्यस्तै, मत्स्येन्द्रनाथको घाँटीमा कर्कोटक नागको माला रहेको धार्मिक मान्यता छ ।

धर्मशास्त्रमा पाण्डुपुत्र अर्जुन र चन्द्रगुप्त द्वितीयले नागकन्यासँग विवाह गरेको प्रसङ्गसमेत उल्लेख गरिएको छ । नागको पूजा हुने घरमा लक्ष्मीको वास हुने विश्वास पनि नेपाली समाजमा प्रचलित छ ।

नागपञ्चमी कसरी र किन मनाउन थालियो भन्ने विषयमा विभिन्न धार्मिक कथा तथा किंवदन्तीहरू प्रचलित छन् । यस पर्वले नागप्रति श्रद्धा व्यक्त गर्नुका साथै प्रकृति र जीवजन्तुप्रति सम्मान गर्ने सांस्कृतिक सन्देशसमेत दिने विश्वास गरिन्छ ।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ भाद्र १, ०७: ५८

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ भाद्र १, ०७: ५८

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ भाद्र १, ०७: ५८

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...