चिलिमेमा सम्पर्कविहीन राष्ट्रसेवकका परिवारलाई ऊर्जा मन्त्री श्रेष्ठको आश्वासन : ‘अझै आशा मार्ने बेला भएको छैन’ – Naya Bikalpa
November 22, 2026, Sunday      Epaper

चिलिमेमा सम्पर्कविहीन राष्ट्रसेवकका परिवारलाई ऊर्जा मन्त्री श्रेष्ठको आश्वासन : ‘अझै आशा मार्ने बेला भएको छैन’

काठमाडौं । ऊर्जा, जलस्रोत तथा सिँचाइ मन्त्री विराज भक्त श्रेष्ठले चिलिमे जलविद्युत् परियोजनामा सम्पर्कविहीन रहेका राष्ट्रसेवकका परिवारजनलाई भेटेर सरकार खोजी तथा उद्धारमा निरन्तर लागिरहेको बताएका छन्।

सम्पर्कविहीन भएका आफन्तको एक सातासम्म पनि अवस्था थाहा नपाउँदाको पीडा गहिरो हुने भन्दै मन्त्री श्रेष्ठले दुःखको यस घडीमा सरकार परिवारजनसँगै रहेको बताए।

उनले सम्पर्कविहीन नागरिक तथा राष्ट्रसेवकको अवस्थाबारे जानकारी प्राप्त हुन नसक्दा सरकार पनि उत्तिकै मर्माहत रहेको उल्लेख गरे। ‘हरेक जीवन अमूल्य छ। एउटा पनि जीवनको खोजीमा राज्यले कुनै कसर बाँकी राख्नु हुँदैन र राखेको पनि छैन,’ उनले भने।

मन्त्री श्रेष्ठका अनुसार खोजी तथा उद्धारका लागि राज्यका सम्पूर्ण संयन्त्र, दक्ष जनशक्ति, प्रविधि तथा उपलब्ध स्रोतसाधन परिचालन गरिएको छ। उद्धारमा प्रविधि, जनशक्ति र स्रोतसाधनको कुनै कमी हुन नदिइएको भन्दै उनले एक सातासम्म अपेक्षित परिणाम प्राप्त हुन नसक्दा चिन्ता बढेको बताए।

कठिन परिस्थितिका बाबजुद सरकारले खोजी तथा उद्धार कार्यलाई निरन्तरता दिइरहेको उल्लेख गर्दै उनले परिवारजनलाई धैर्य नगुमाउन आग्रह गरे।

‘हामी अन्तिम सम्भावनासम्म प्रयास गरिरहनेछौँ। अझै आशा मार्ने बेला भएको छैन। प्रयास र प्रार्थना सँगसँगै गरौँ, आशा जीवित राखौँ,’ मन्त्री श्रेष्ठले भने।

सरकार आफ्ना नागरिक तथा राष्ट्रसेवकका परिवारसँगै रहेको बताउँदै मन्त्री श्रेष्ठले कठिन घडीमा परिवारलाई एक्लो महसुस हुन नदिने प्रतिबद्धता पनि व्यक्त गरे।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ भाद्र १७, १८: १८

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ भाद्र १७, १८: १८

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ भाद्र १७, १८: १८

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...