कैलाली प्रहरी हत्या प्रकरणः व्यापारी राजीव गुप्ता पक्राउ

नयाँ विकल्प
प्रकाशित मिती: २०७७ कार्तिक १९, १६: ०७

नयाँ विकल्प
कैलाली -अस्थायी प्रहरी पोष्ट जुगेडाका प्रहरी सहायक निरीक्षक गोविन्द विक र प्रहरी जवान रामबहादुर साउद हत्याप्रकरणमा थप एकजना पक्राउ परेका छन् । कात्तिक १ गते राति तस्करी नियन्त्रण गर्ने क्रममा धनगढी १० मा २ प्रहरी मारिएका थिए ।

घटना भएको १९ दिनपछि प्रहरीले थपएक जनालाई पक्राउ गरेको छ । प्रहरीको हत्यापछि तस्करले मटर भारत पुराएका थिए । कार्तिक १ गते बेपत्ता भएका असईको विकको शव २ गते र प्रहरी जवान साउदको शव ४ गते फेला परेको थियो । दुवै जनाको शव विभत्स ढंगले हत्या गरेको अवस्थामा मोहना नदीमा फेला परेको थियो । हत्यामा संलग्न भएका ८ जनालाई प्रहरीले यस अघि नै पक्राउ गरिसकेको छ ।

हत्यामा संलग्न भएको आरोपमा प्रहरीले धनगढी उपमहानगरपालिका वडा नम्बर १० का ३१ वर्षीय पर्कु भन्ने रोहित राना (क), रोहित राना (ख), सोही स्थानका २० वर्षीय राजेन्द्र राना, ३० वर्षीय चोर भनिने सुरेश राना, २५ वर्षीय गब्बर भन्ने राजकुमार राना, २२ वर्षीय रामनिवास राना, २९ वर्षीय टल्लु भन्ने दलराम राना र २५ वर्षीय गोपाल भन्ने राम गोपाल रानालाई पक्राउ गरी अनुसन्धान भइरहेको जनाएको प्रहरीले जनाएकाे छ ।