वामदेव गौतम विरूद्धको मुद्दामाथि सर्वाेच्चमा सुनुवाइ जारी

नयाँ विकल्प
प्रकाशित मिती: २०७७ कार्तिक २६, १२: ०८

नयाँ विकल्प
काठमाडाैं- नेपाल कम्युनिष्ट पार्टी नेकपाका उपाध्यक्ष वामदेव गौतमलाई राष्ट्रियसभा सदस्य बनाउने निर्णयविरूद्ध परेको रिट आजको संवैधानिक इजलासमा सुनुवाइ सुरू भएकाे छ । वामदेश विरूद्दकाे मुद्दा हेर्दाहेर्दै सारिएको थियाे ।

प्रधानन्यायाधीशको अध्यक्षता रहने संवैधानिक इजलास बुधबार र शुक्रबार गरी हप्ताको दुई दिन इजलास बस्ने ब्यावस्था छ । साेहि अनुरूप आज बुधबारका लागि इजलासमा ताेकिएकाे थियाे । वामदेव विरूद्धको रिट प्रधानन्यायाधीश चोलेन्द्र राणा, वरिष्ठतम् न्यायाधीश दीपककुमार कार्की, न्यायाधीशहरू हरिकृष्ण कार्की, विश्वम्भर श्रेष्ठ र ईश्वर खतिवडाको संवैधानिक इजलासले हेरिरहेको छ।

वरिष्ठ अधिवक्ता दिनेश त्रिपाठीले वामदेव गौतमलाई राष्ट्रिय सभामा लैजाने निर्णय बदर गर्न, उनलाई मन्त्री बनाउनबाट रोक्न र राष्ट्रिय सभामा गरिने नियुक्तिको मापदण्ड बनाउने आदेश दिन माग गर्दै रिट दिएका थिए।