महासचिव पाैडेलकाे तर्क-“ न रह्याे बाँस न बज्याे बासुरी ”

नेकपा विवाद समाधान गर्न असफल महासचिव पाैंडेलकाे तर्कः अब सचिवालय नै खारेज गराैं !

नयाँ विकल्प,

काठमाडाैं- सत्तारूढ दल नेपाल कम्युनिष्ट पार्टी (नेकपा) का महासचिव विष्णु पौडेलले पार्टीको सचिवालयनै समस्या सिर्जना गर्ने थलोका रूपमा विकास हुँदै गएको भन्दै सामुहिक राजिनामाकाे प्रस्ताव गरेपछि सचिवालयकाे औचित्यमाथि नै प्रश्न उठेकाे छ ।

पार्टीको ‘कोर अफ दि लिडरसीप’ का रूपमा नेकपाले मान्दै आएकाे सचिवालय आन्तरिक समस्या समाधान गर्नेभन्दा समस्या सिर्जना गर्ने थलो बनेकाे पौडेलको आराेप छ । बुधबार बालुवाटारमा बसेको सचिवालय बैठकमा पौडेलले नेकपाभित्र अहिले जारी विवाद कायम रहे आफूहरू कम्युनिष्ट आन्दोलनको अन्तिम मलामी हुने चेतावनी दिदै सचिवालय बैठक खारेजकाे प्रस्ताव गरे ।

‘यस्तो हुन नदिन हामी नौ जनाले नै सचिवालय सदस्यबाट राजीनामा दिऔं र स्थायी समितिमा रहेका नयाँ अनुहारलाइ सचिवालयमा ल्याउन प्रस्ताव लैजाऔं,’ पौडेलले बैठकमा भनेको कुरा उल्लेख गर्दै स्रोतले भन्यो। नेकपा सचिवालय पार्टीको आन्तरिक समस्या र राष्ट्रिय राजनीतिलाई समेत सही दिशा दिन नसकेको भन्दै पाैडेलले यसकाे औचित्यमाथी नै गम्भिर प्रश्न उठाएका हुन् ।

पछिल्लो समय समस्या समाधानको थलो नभएर समस्या सिर्जना गर्ने भूमिकामा सचिवालय परिवर्तन भएको भन्दै सचिवालयकाे भुमिका बदल्नु पर्ने उनकाे जाेड छ । पाैडेलले भनेका छन् पार्टीको आन्तरिक समस्या समाधान र राष्ट्रिय राजनीतिलाई सही दिशामा दिशाबोध गराउन नसक्ने सचिवालयको वैधता र औचित्यमाथि प्रश्न खडा हुन्छ।’ बुघबारकाे सचिवालय बैठकमा पाैडेलले सचिवालय बैठक समस्यकाे जड भएकाे भन्दै सामुहिक राजिनामाकाे प्रस्ताव गरेका थिए ।

पार्टी आन्तरिक जीवनमा गम्भीर, जटिल र संकटग्रस्त भएको उल्लेख गर्दै उनले ‘सीमा, मर्यादा तथा तथ्य बाहिरका अभिव्यक्ति र क्रियाकलाप राेक्नकालागि पनि सचिवालय बैठक नयाँ शैलिमा रूपान्तरण गर्नुपर्ने बताएका थिए ।