नेकपा विवादः नेता आराेप- प्रत्याराेपमा, कार्यकर्ता मुडभेडकाे अवस्थामा ! – Naya Bikalpa
November 20, 2026, Friday      Epaper

नेकपा विवादः नेता आराेप- प्रत्याराेपमा, कार्यकर्ता मुडभेडकाे अवस्थामा !


नयाँ विकल्प
काठमाडाैं- नेकपा विवाद चरम उत्कर्षमा पुगेका बेला नेता कार्यकता हुलहुज्जत र विराेधा उत्रिन थालेका छन् । एक गुट र अर्काे गुट विच भिडन्तकाे अवस्था सिर्जना भएकाे छ । शनिवार प्रधानमन्त्री ओली पक्षका कार्यकर्ताले चितवनकाे एक कार्यक्रममा नेता सुरेन्द्र पाण्डेमाथी नाराबाजी र हुल हुज्जत गरेपछि विवाद अव कार्यकर्ता तहमा पुगेकाे देखिन्छ ।

पार्टीमा भैरहेकाे यस्ता गम्भिर विषयमा समाधान तर्फ भन्दा उपल्लाे तहका नेता विच आराेप प्रत्याराेप काे श्रृङ्खला सुरू भएकाे छ । चितवनका शनिवार नेता सुरेन्द्र पाण्डेमाथी गरिएकाे दर्व्यावहारमाथी नेकपा प्रवक्ता नारायणकाजी श्रेष्ठकाे वक्तव्यमाथी प्रधानन्त्रीका प्रेश सल्लाहकार सुर्य थापाले विराेध गरेका छन् । यसले पार्टीकाे शिर्ष तहमा रहेकाे असहमति दाेस्राे पुस्तामा पुगेकाे देखिएकाे छ । आराेप प्रत्याराेप लगाउने र दाेस्राे गुट विरूद्द जाइलाग्ने श्रृङखला अव दाेस्राे पुस्तामा पुगेकाे स्प्ट संकेत नेकपामा देखिएकाे छ ।

शनिवार नेकपाका स्थायी कमिटी सदस्य सुरेन्द्र पाण्डेलाई चितवनमा कार्यकर्ताबाट भएको दुर्व्यवहारबारे प्रवक्ता नारायणकाजी श्रेष्ठले दिएको वक्तव्यप्रति प्रधानमन्त्री केपी शर्मा ओलीका प्रेस सल्लाहकार सूर्य थापाले समाजिक सञ्जालमा विराेध जनाएका छन्।

शनिबार राप्ति नगरपालिकामा नेकपाको कार्यक्रममा पाण्डे बोलिरहँदा कार्यकर्ताले ‘पार्टी एकता, जबज र प्रधानमन्त्री ओलीको समर्थनमा’ नारावाजी गरेका थिए। उक्त घटना सुनियोजित भएको भन्दै नेकपा नेता झलनाथ खनाल, माधवकुमार नेपाल र प्रवक्ता नारायणकाजी श्रेष्ठले विज्ञप्ति र ट्वीटमार्फत् विरोध गर्दै घटनाको छानविन गर्न माग गरेका थिए।

प्रवक्ता श्रेष्ठले पाण्डेमाथि सुनियोजित दुर्व्यवहार भएको र उक्त घटना अति निन्दनीय र भर्त्सनायोग्य भनेका थिए। प्रवक्ता श्रेष्ठको सोही वक्तव्यपछि प्रधानमन्त्रीका प्रेस सल्लाहकार थापाले ट्वीटमा पार्टी एकताको नारा लगाउँदा सुनियोजित दुर्व्यवहार देखेको भन्दै असन्तुष्टि जनाएका हुन्। ‘बुटवलमा मुख्यमन्त्री शंकर पोखरेल चढ्नु भएको गाडीमाथि ढुंगा प्रहार गरिँदा निदाउनुभएको थियो क्यारे!,’

प्रवक्ता श्रेष्ठको वक्तव्य स्क्रिनसट गर्दै थापाले ट्वीट गरेका छन्, ‘चितवनमा पार्टी एकता जिन्दावादको नारा लगाउँदा सुनियोजित दुर्व्यवहार देख्नु भएछ। गज्जब छ गुटगत अन्तरदृष्टि र छनोटपूर्ण वक्तव्य बाजी। दुवै स्थायी कमिटी सदस्य- तब न नारायणकाजी।’ नेकपा प्रचार विभागमा श्रेष्ठ प्रमुख र थापा उपप्रमुख छन्।

चरम गुटकाे संकटबाट गुज्रिरहेकाे नेकपा विवाद समाधान तर्फ भन्दा विवाद बढ्ने तर्फ अगाडि बढदै गइरहेकाे बेला जुनसुकै बेला पार्टी फुटन सक्ने अवस्था सिर्जना भएकाे छ ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ मंसिर ७, ०९: ३१

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ मंसिर ७, ०९: ३१

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ मंसिर ७, ०९: ३१

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...