हजाराैलाइ गैरकानुनी रूपमा विदेश पठाएकाे गाेप्य सुचनापछि विभागले मेनपावरमा छापा मार्याे – Naya Bikalpa
November 20, 2026, Friday      Epaper

हजाराैलाइ गैरकानुनी रूपमा विदेश पठाएकाे गाेप्य सुचनापछि विभागले मेनपावरमा छापा मार्याे

नयाँ विकल्प

काठमाडाैं-वैदेशिक रोजगार विभागले दुई दिनमा तीन वटा मेनपावर कम्पनीमा छापा मारेको छ। विभागले लैनचोरस्थित होप इन्टरनेसनल, धापासीको एसओएस मेनपावर र गौरीघाटको डिडी ह्युमन रिसोर्स प्रालिमा छापा मारेको हो। 

होप इन्टनेसनलमा मंगलबार, एसओएस र डिडी ह्युमन रिसोर्समा सोमबार छापा मारिएको विभागका महानिर्देशक कुमारप्रसाद दाहालले बताए। दाहालका अनुसार होप इन्टरनेसनलमा एउटा कूटनीतिक नियोगको गाडी पनि फेला परेको छ। यसकारण सो मेनपावर कम्पनीको क्रियाकलापमा दूतावासको संलग्नता पनि आशंका गरिएको छ।

यी तिनै मेनपावर कम्पनीले डिमाण्ड नभइकन अनधिकृत रूपमा खाडी मुलुक कतारका लागि कामदार छनोट गरेको आरोप विभागको छ। सेक्युरिटी गार्डको रूपमा काम लगाइदिने भन्दै कम्पनीको डिमाण्ड नै नभई कानुन र कानुनी व्यवस्था प्रतिकूल काम गरेको देखिएकाले छापा मारिएको विभागले जनाएकाे छ । 

उनका अनुसार यी मेनपावरले करिब २ हजारको संख्यामा नेपालीलाई अन्तर्वार्ता गरेको शंका छ। यसबारे विस्तृत छानबिन भइरहेको छ। ती मेनपावरले कामदार छनोटमा प्रयोग गरेका कागजात विभागले नियन्त्रणमा लिएको छ। 

होप इन्टरनेसनलमा छापा मार्ने क्रममा ४५-सिडी-००९ नम्बरको कूटनीतिक नियोगको गाडी फेला परेको थियो। यो गाडी कुनै दूतावासको भएकाले यी कार्यमा दूतावास संलग्न भयो कि भन्ने शंका विभागको छ। ‘यसबारे विस्तृत अनुसन्धानपछि भन्न सकिन्छ,’ दाहालले भने।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ मंसिर ९, १८: ५६

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ मंसिर ९, १८: ५६

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ मंसिर ९, १८: ५६

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...