भोटेकोशी लिस्तीका किसानलाई चौँरी वितरण गरिने – Naya Bikalpa
November 20, 2026, Friday      Epaper

भोटेकोशी लिस्तीका किसानलाई चौँरी वितरण गरिने

नयाँ विकल्प

चाैतारा-सिन्धुपाल्चोकको भोटेकोशी गाउँपालिका–१ लिस्तीका चौँरीपालक किसानलाई उन्नत नश्लका चौँरी वितरण गरिने भएको छ ।

एशिया इन नामक अन्तर्राष्ट्रिय गैरसरकारी संस्थाको आर्थिक सहयोगमा गाउँपालिकाको समन्वयमा लिस्तीको बगाम र छगाम गाउँका किसानको समूह गठन गरी अनुदानका रुपमा ७५ चौँरी वितरण गरिने गाउँपालिकाका अध्यक्ष राजकुमार पौडेलले बताए

प्रतिचौँरीको रु ९० हजारदेखि एक लाखसम्म पर्ने र चौँरी तथा चीज कारखाना स्थापनाका लागि संस्थाले रु ९५ लाख प्रदान गर्ने भएको छ । रु २५ लाखमा निर्माण गरिने चीज कारखानाका लागि पालिकाले ५० प्रतिशत ब्यहोर्ने पालिकाले जनाएको छ ।

समुद्री सतहबाट तीनहजार मिटरको उचाइमा पर्ने उक्त गाउँमा चौँरीपालक किसानका २०÷२५ गोठ छन् । प्रतिगोठमा १५ देखि ३० चौँरी रहेको र त्यहाँका किसानबाट उत्पादित घ्यू स्थानीयस्तर र राजधानीका गुम्बामा पुग्छ ।

किसानले हातैले निर्माण गरिएका छुर्पी जापान, दक्षिण कोरिया तथा युरोप, अमेरिका महादेशमा पुग्ने भएकाले एक किसानले २० चौँरीबाट वार्षिक रु १० लाखसम्म आम्दानी गर्ने वडाध्यक्ष मुके शेर्पाले बताए । यसैगरी संस्थाको रु २५ लाखको आर्थिक सहयोगमा सोही वडाका सबुखानी र तारतुम गाउँमा खानेपानी योजना सञ्चालन गरिने भएको छ ।

खानेपानीको अभाव झेलिरहेका स्थानीय २०० घरपरिवारका लागि एक घर एक धाराको अवधारणानुसार २०० धारा वितरण गरिने कार्यक्रम रहेको पालिकाले जनाएको छ ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ मंसिर १०, १२: ५४

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ मंसिर १०, १२: ५४

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ मंसिर १०, १२: ५४

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...