अमेरिका र भारतमा प्रतिबन्ध टिकटक अकाउन्ट प्रधानमन्त्री ओलीले खोले

नयाँ विकल्प
प्रकाशित मिती: २०७७ मंसिर १५, १६: ४०

नयाँ विकल्प,

काठमाडौं – मित्रराष्ट्र भारत र अमेरिकामा टिकटकमाथि प्रतिबन्ध लागिरहेका बेला नेपालमा भने प्रधानमन्त्री केपी शर्मा ओलीले भने एकाउन्ट खोलेर भिडियो सेयर गरेका छन् ।

चिनियाँ सफ्टवेयर भएकै कारण टिकटकलाई भारत र संयुक्त राज्य अमेरिकामा प्रतिवन्ध लगाए पनि पछिल्लो पुस्तामा सबैभन्दा बढी लोकप्रिय मल्टिभिडया सामाजिक सञ्जालको रुपमा टिकटिकलाई लिइन्छ ।

प्रधानमन्त्री ओलीले आइतबार टिकटक एकाउन्ट खोलेका छन् र ओलीको टिकटक एकाउन्टमा अहिले एउटा मात्रै भिडियो हालिएको छ ।

‘मालपोत, विद्युत महसुल, भन्सार महसुल, आन्तरिक राजश्व, सवारी चालक अनुपति पत्र र नवीकरण जस्ता नागरिकसँग प्रत्यक्ष जोडिएका सेवालाई एकीकृत सेवामा जोड्ने प्रक्रिया सुरु भएको छ । सरकारले राष्ट्रिय परिचयपत्रलाई सेवा प्रवाहको मूख्य आधार बनाउने गरी काम अघि बढाएको छु’, टिकटक भिडियो सन्देशमा भनिएको छ ।

एउटा मात्रै भिडियो अपलोड गरिएको ओलीको टिकटक एक लाखले हेरिसकेका छन् भने १ सय ६० बढी कमेन्ट र ७ हजार बढीले लाइक गरेका छन् । यसलाई एक सय बढीले सेयर पनि गरेका छन् ।

सम्बन्धित समाचार

शुक्रबारदेखि भारी वर्षाको सम्भावना, सतर्क रहन प्रधानमन्त्री शाहको आग्रह

२०७७ मंसिर १५, १६: ४०

काठमाडौं : प्रधानमन्त्री वालेन्द्र शाहले शुक्रबारदेखि आइतबारसम्म देशका विभिन्न भागमा भारीदेखि अति भारी वर्षाको सम्भावना रहेको भन्दै बाढी, पहिरो, डुबान...