- अनामनगर काठमाडौँ
- infobikalpa21@gmail.com
नयाँ विकल्प
काठमाडाैं- सत्तारूढ नेपाल कम्युनिष्ट पार्टी नेकपाका दुइ अध्यक्ष विचकाे आराेप प्रत्याराेपका विच सचिवालय बैठक आज मंगलबार दिउँसो १ बजे बस्ने भएको छ। बैठक पार्टी केन्द्रीय कार्यालय धुम्बाराहीमा बस्ने जनाइएकाे छ ।
प्रधानमन्त्रीसमेत रहेका अध्यक्ष केपी शर्मा ओली र कार्यकारी अध्यक्ष पुष्पकमल दाहाल प्रचण्डले पेश गरेका बेग्लाबेग्लै प्रस्तावमाथि आज बस्ने सचिवालय बैठकमा छलफल हुने बताइएकाे छ । गत कात्तिक २८ गते कार्यकारी अध्यक्ष प्रचण्डले प्रधानमन्त्रीसमेत रहेका अध्यक्ष ओलीको आलोचना गर्दै पार्टीमा राजनीतिक प्रस्ताव पेश गरेपछि नेकपा विवादले नयाँ माेड लिएकाे छ ।
उता प्रधानमन्त्री समेत रहेका ओलीले गत शनिबार प्रचण्डकाे १९ पेज लामाे प्रस्तावमा प्रधानमन्त्रीसमेत रहेका अध्यक्ष ओलीले शनिबारको सचिवालय बैठकमा जवाफी प्रतिवेदन सचिवालयमा पेश गरिसकेका छन्।
उक्त प्रताव अध्ययन गर्न सचिवालय सदस्यलाई आजसम्म समय दिइएको थियो। अध्यक्ष ओलीसहित उनी पक्षका नेताहरूले कार्यकारी अध्यक्ष प्रचण्डको प्रस्ताव फिर्ता हुनुपर्ने बताउँदै आएका छन् भने प्रचण्डसहित नेताहरूले उक्त प्रस्तावमाथि सचिवालयमा छलफल हुनुपर्ने अडान राखेका छन्।
नेकपाका केही नेताहरूले दुवै अध्यक्षका प्रस्तावलाई समेटेर साझा प्रस्ताव ल्याउनुपर्ने पनि धारणा राखेका छन्। पछिल्लो समय अध्यक्षद्वय ओली र प्रचण्डबीच सम्बन्ध चिसिएको छ। स्थायी कमिटी बैठकले गरेका निर्णय कार्यान्वयनमा प्रधानमन्त्री समेत रहेका अध्यक्ष ओली तयार नभएको भन्दै प्रचण्डसहित उनी पक्षका नेताको भनाइ छ।
काठमाडौं : नेपाली कांग्रेसले पार्टीको १५औं महाधिवेशनमा स्वदेश तथा विदेशमा रहेका सबै क्रियाशील सदस्य, समर्थक र शुभेच्छुकलाई उत्साहपूर्वक सहभागी हुन...
काठमाडौं : नेपाली कांग्रेसका सभापति गगनकुमार थापाले स्वतन्त्र प्रेस समस्यामा पर्दा त्यसको प्रत्यक्ष असर लोकतान्त्रिक व्यवस्थामाथि पर्ने भएका कारण त्यसको...
काठमाडौं : पृथ्वी राजमार्गअन्तर्गत धादिङको कृष्णभीरमा एकतर्फी यातायात सुचारु भएको छ । सडकको अवस्था परीक्षण गर्न ट्रायलका रूपमा एकतर्फी यातायात सञ्चालनमा...
