दिल्लीका मुख्यमन्त्री केजरीवाल सहित १० पार्टीकाे भारत बन्दमा समर्थन – Naya Bikalpa
November 20, 2026, Friday      Epaper

दिल्लीका मुख्यमन्त्री केजरीवाल सहित १० पार्टीकाे भारत बन्दमा समर्थन


एजेन्सी
नयाँ दिल्ली ।
भारतीय सरकारले हालै जारी गरेको केन्द्रीय कृषि कानून (फार्म ल) को बिरुद्ध भारतमा सोमबार पनि भारतीय राजनीतिक दलहरुको समर्थनमा किसानले विसाल प्रदर्शन गरेका छन् ।

किसानको आन्दोलनलाई भारतको राजधानी नयाँ दिल्लीका मुख्यमन्त्री अरविन्द केजरीवालले समेत समर्थन गरेका छन् । उनले सोमबार बिहानै नयाँ दिल्ली छिर्ने सिंघु बर्डर पुगेर ‘म मुख्यमन्त्रीको हैसियतले भन्दा पनि सेवक बनेर आएको हुँ, मेरो राज्य सरकार, पार्टी र कार्यकर्ताको समर्थन छ’ भनी घोषणा गरे ।

कृषि कानून फिर्ता लिनुपर्ने भन्दै भारतमा एक महिनाभन्दा बढी समयदेखि भारतमा किसानले आन्दोलन गरिरहेका छन् । केजरीवालले आफू जनताको एक सेवक भएको बताउँदै किसानको सेवा र समर्थनमा आफू आएको बताएका थिए ।

‘किसानले २४ सै घण्टा मेहनत गरी खुन पसिना बागाएर हाम्रो सेवा गरिरहेका छन् । आज तिनै किसान समस्यामा परेका छन् । देशवासीको माग नै किसानको पक्षमा साथ दिएर उभिनु र सेवा गर्नु भन्ने सन्देश छ,’ केजरीवालले किसान आन्दोलनलाई संवोधन गर्दै भने ।

केजरीवालले आफ्नो पार्टी आम आद्मीका एमएलए जनरल सिंह किसानको आन्दोलनको समर्थनमा सिंघु क्षेत्रमै रात दिन बस्ने गरेको र पार्टीले भोलेन्टियर्स र कार्यकर्ता पनि आन्दोलनकारी किसानको पक्षमा खटाएको बताए ।

केजरीवालले मंगलबार हुने बन्दमा आफ्नो पार्टीको पूर्ण समर्थन र सहभागिता हुने भन्दै सरकारले रंगशालालाई अस्थायी बन्दीगृह बनाउने प्रस्तावलाई आफूले अस्वीकार गरेको बताए । भारतीय किसानले भारतभर चलाइ रहेको कृषि कानून फिर्ताको आन्दोलनको समर्थनमा लण्डनस्थित भारतीय दूतवास बाहिर समेत प्रदर्शन भएको थियो ।

केन्द्रीय सरकारका प्रतिनिधि र आन्दोलनरत किशानबीच सहमति खोज्न भएको पाचौं चरणको वार्ता समेत असफल भएको छ । भारत सरकारले कृषि कानूनलाई संशोधन गरेर जान तयार भएपनि किसान नेताहरुले सो कानूनको पूर्ण खारेजीको माग गरेका छन् ।

कुन कुन संगठन र पार्टीले गरे भारत बन्दकाे समर्थन

मंगलबार हुने भारत बन्दमा चार सय बढी किसान संगठन संलग्न हुने भएका छन् । भारत बन्दकाे भारतीय कांग्रेस पार्टीका साथै तृणमूल कांग्रेस, राष्ट्रीय लोक दल, राष्ट्रिय जनता दल, राष्ट्रीय लोक समता पार्टी (रालोसपा) र समाजवादी पार्टीले समर्थन गरेका छन्र । त्यस्तै, भारतीय कम्युनिष्ट पार्टी मार्क्सवादी र भाकपा मार्क्सबादी लेनिनबादी, अारएसपी र अल इण्डिया फरवार्ड ब्लकले भारत बन्दकाे समर्थन गरेका छन्र ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ मंसिर २२, १२: ५८

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ मंसिर २२, १२: ५८

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ मंसिर २२, १२: ५८

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...