- अनामनगर काठमाडौँ
- infobikalpa21@gmail.com
नयाँ विकल्प
काठमाडाैं -विवेकशील नेपाली दल र साझा पार्टीबीच एकीकरण गरी विवेकशील साझा पार्टी घोषणा गरिने भएको छ। बुधबार अपरान्ह ३ बजे घोषणा कार्यक्रम हुनेछ। कोरोनाभाइरस महामारी रहेकोले जुममार्फत् नै दल एकीकरण घोषणाको कार्यक्रम गर्न लागिएको हो।
अध्यक्ष रवीन्द्र मिश्र र संयोजक मिलन पाण्डे रहने गरि सहमति भएकाे छ । दुवै दलबाट केन्द्रीय समितिमा ६५/६५ जना रहने गरि जनाइएकाे छ । पार्टीकाे नाम विवेकशील साझा र चुनाव चिन्ह तराजु राख्ने यी दलबीच सहमति भइसकेको छ। साझा पार्टीका संयोजक रवीन्द्र मिश्रले दुई पार्टी एक हुन लागेको बताएका छन्।
संयोजक मिश्रले अस्तित्वमा रहन मात्रै नभई नेतृत्वमा पुगेर देशमा सुशासन, सम्वृद्धि र स्वाभिमान स्थापित गर्न पार्टी जन्मिएको उल्लेख गरेका छन्। ‘हामी केवल ‘अस्तित्व’मा रहन होइन, ‘नेतृत्व’मा पुगेर यो देशमा सुशासन, संवृद्धि र स्वाभिमान स्थापित गर्न जन्मिएको पार्टी हौँ। एकताका लागि प्रेरित र सहयोग गर्ने सबैप्रति आभारी छौँ,’ उनले भने।
एक भएपछि विवेकशील साझा पार्टीले छ महिनाभित्र एकता महाधिवेशन गर्ने बताएको छ। यी दुई दल २०७४ साउन ११ गते पनि एक भएका थिए। २०७५ पुसमा यो दल फुटेको थियो। यी दुई दल गत वैशाखदेखि नै एकताको प्रक्रियामा अगाडि बढेका थिए। पार्टी एकताप्रति असन्तुष्ट रहेका विवेकशील नेपाली दलकी उपाध्यक्ष अजीता राईसहित १३ जनाले हालै एकतामा सहभागी नहुने बताएका थिए।
काठमाडौं : चीनले नेपालसँग आपत्कालीन जलविज्ञान अनुगमनसम्बन्धी सूचना निरन्तर आदानप्रदान गर्ने जनाएको छ । उद्धार तथा विपद् राहत प्रयासका लागि...
काठमाडौँ : चीनसँगको कोरला नाकाबाट भित्रिएका वस्तुको भन्सार जाँचपास अब काठमाडौँस्थित चोभार सुक्खा बन्दरगाह भन्सार कार्यालयबाट गर्न सकिने भएको छ...
काठमाडौं : भूमि व्यवस्था, सहकारी, संघीय मामिला तथा सामान्य प्रशासन मन्त्रालयले रसुवा–भोटेकोशी क्षेत्रमा गएको बाढीबाट प्रभावित तथा विस्थापित परिवारको सुरक्षित...
