- अनामनगर काठमाडौँ
- infobikalpa21@gmail.com
नयाँ बिकल्प,
काठमाडौं – नेपाली कांग्रेसको पदाधिकारी बैठकले आगामी मंसिर २९ गते सरकारका खराब क्रियाकलापका बिरुद्ध आयोजना गर्ने विरोध प्रदर्शनलाई भब्य र प्रभावकारी बनाउने भएको छ ।
सभापति शेरबहादुर देउवाको निवास बूढानीकलण्ठमा बिहीबार बिहान बसेको बैठकमा मंसिर २९ को सरकाविरोधी प्रदर्शनमा पार्टीका सबै तह र इकाई तथा भ्रातृ र शुभेच्छुक संस्थाका कार्यकर्तालाई उतार्ने तयारीको विषयमा छलफल भएको थियो ।
आन्दोलन प्रारम्भिक चरण भएकाले आवश्यकता अनुसार जिल्लाहरुमा केन्द्रीय नेताहरुलाई सरकारविरुद्धको प्रदर्शनमा खटाउने निर्णय गरेको हो ।
केही जिल्लामा नेताहरुको इच्छाअनुसार र केहीमा आवश्यकता अनुसार केन्द्रबाट नेताहरु खटाउने निर्णय भएको सहमहमन्त्री डा. प्रकाशशरण महतले बताए ।
मंसिर १९ गते बसेको पदाधिकारी बैठकले सरकारविरुद्ध ७७ वटै जिल्लाहरुमा मंसिर २९ गते विरोध प्रदर्शनको निर्णय गरेको थियो ।
तनहुँमा मंसिर १७ गते कांग्रेस नेता रामचन्द्र पौडेललाई व्यास नगरपालिकाको बुल्दी खोलामा निर्माण सम्पन्न भएको पुल उद्घाटन गर्न जाँदा प्रहरीले पक्राउ गरेपछि कांग्रेस सरकारको दमनकारी व्यवहारका बिरुद्ध आन्दोलनमा उत्रने योजनामा लागेको हो ।
देशका विभिन्न स्थानमा सरकारबाट गरिएका विभेद, पक्षपात र सर्वसत्तावादी प्रवृत्ति तथा कोभिड–१९ को नियन्त्रण र उपचारमा सरकारले देखाएको उदासिनता र अकर्मण्यता तथा स्वास्थ सामग्री खरिदमा गरिएको भ्रष्टाचारदेखि अनेकौं भ्रष्टाचार काण्ड र बेथितिविरुद्ध विरोध प्रदर्शन गर्ने कांग्रेसको भनाइ छ ।
बुढानिलकण्ठमा भएको सो बैठकमा सभापति देउवा र नेता पौडेलका साथै उपसभापति विमलेन्द्र निधि, महामन्त्री पूर्णबहादुर खड्का, नेता कृष्णप्रसाद सिटौला, प्रकाशमान सिंह, गोपालमान सिंह, सहमहामन्त्रीद्वय डा. महत र सुनिलबहादुर थापा, पूर्वसहमहामन्त्री डा. रामशरण महत र अर्जुननरसिंह केसी लगायतका नेता उपस्थित थिए ।
काठमाडौं : नेपाली कांग्रेसको १५औं महाधिवेशनअन्तर्गत काठमाडौंको नागार्जुन नगर सभापतिमा राजेन्द्र बुढाथोकी विजयी भएका छन्। नागार्जुन नगरको तेस्रो नगर अधिवेशनअन्तर्गत...
काठमाडौं : नेपाली कांग्रेस को १५औँ केन्द्रीय महाधिवेशन अन्तर्गत देशभर पालिका तहका अधिवेशन सुरु भएका छन्। पार्टी केन्द्रीय कार्यसमितिको निर्णयअनुसार...
काठमाडौं : प्रधानमन्त्री वालेन्द्र शाहले शुक्रबारदेखि आइतबारसम्म देशका विभिन्न भागमा भारीदेखि अति भारी वर्षाको सम्भावना रहेको भन्दै बाढी, पहिरो, डुबान...
