भारतीय कर्मचारी मात्र भेट्दै आएका ओलीले बल्ल भेटे भाजपा नेतालाई – Naya Bikalpa
November 20, 2026, Friday      Epaper

भारतीय कर्मचारी मात्र भेट्दै आएका ओलीले बल्ल भेटे भाजपा नेतालाई


नयाँ विकल्प,

काठमाडौं –भारतीय कर्मचारीलाई पोर्टोकल बेवास्ता गर्दै तारन्तार औपचारिक भेट दिँदै आएका प्रधानमन्त्री केपी शर्मा ओलीले बिहीबार भने भारतीय सत्तारुढ दल भारतीय जनता पार्टीका विदेश विभाग प्रमुख विजय चाथाईवालेसँग भेट गरेका छन् ।

नेपालको छिमेकी देश भारतसँगको कुटनीतिक सम्वन्ध विगत एक वर्षदेखि विग्रदै आएपछि प्रधानमन्त्री ओलीले झण्डै डेढ महिनामा तीन जना भारतीय कर्मचारीसँग प्रधानमन्त्रीको सरकारी निवास बालुवाटारमा भेट गरेका थिए ।

तर, प्रधानमन्त्री ओलीले बिहीबार भने भारतीय सत्तारुढ दलका विदेश विभाग प्रमुख चौथाईवालेसँग पार्टी महासचिव तथा अर्थमन्त्री विष्णुप्रसाद पौडेलसँगै राखेर भेट गरेका छन् ।

भारतले नेपालको लिम्पियाधुरा, कालापानी र लिपुलेकलाई समेटेर नयाँ नक्सा जारी गर्दै नेपाली भूमिबाटै चीनसम्म जोड्ने सडकको उद्घाटन गरेपछि नेपाल सरकारले औपचारिक रुपमा आपत्ति जनाउँदै कुटनीतिक नोट पठाउने र संविधान संशोधन गरी ति भूभाग समेटेको नक्सा जारी गर्दा दुई देशबीचको सम्वन्ध धुमिल भएको थियो ।

भारतसँगको सम्वन्ध सुधार गर्न प्रधानमन्त्री ओलीले नेपालीका परराष्ट्र मन्त्री प्रदिप ज्ञावलीदेखि बिदेश मामिला सल्लाहकार राजन भट्टराईसम्मलाई भारत पठाएका थिए ।

कहिले कसलाई भेटे ओलीले ?

दुई देशबीचको कुटनीतिक सम्वन्ध सुधार गर्ने उदेश्यले प्रधानमन्त्री ओलीले नेपालका लागि भारतीय राजदूत बिनयमोहन क्वत्रादेखि भारतीय सेनाध्यक्ष मनोजमुकुन्द नरवाणेसम्मलाई भेटेका थिए ।

भारतीय सरकारसँग सम्वन्ध सुधार गर्ने हेतुले गत कात्तिक ५ गते राति भारतीय गुप्तचर संस्था रअ (रिसर्च एण्ड एनालाईसिस विङ) का प्रमुख सामन्त गोयलसँग प्रधानमन्त्रीको सरकारी निवास बालुवाटारमा भेटेका थिए ।

त्यस्तै, कात्तिक १९ गते नेपालको औपचारिक भ्रमणमा आएका भारतीय सेनाध्यक्ष जनरल मनोज मुकुन्द नरवाणेसँग कात्तिक २० गते भेटेका थिए । त्यस्तै मंसिर ११ गते नेपाल आएका भारतीय विदेश सचिव हर्षवद्धन श्रृंगलासँग भेटेका थिए ।

सेनाध्यक्ष नरवाणे राजनीतिक व्यक्ति नभएर सरकारका जंगी सेवाको सचिव सरहका कर्मचारी हुन भने श्रृंगला सचिव स्तरकै कर्मचारी हुन । नेपालका लागि भारतीय राजदूत क्वत्रा र रअका प्रमुख गोलय सहसचिव स्तरका कर्मचारी हुन ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ मंसिर २५, १६: २६

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ मंसिर २५, १६: २६

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ मंसिर २५, १६: २६

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...