भागवण्डा मिल्याे, संवैधानिक परिषदको बैठक आइतबार बस्दै

नयाँ विकल्प
प्रकाशित मिती: २०७७ मंसिर २५, १८: ४६

नयाँ विकल्प
काठमाडाैं-२५ मंसिर, काठमाडौं । संवैधानिक परिषदको बैठक आउँदो आइतबार बस्ने भएको छ । विभिन्न संवैधानिक निकायमा रिक्त पदाधिकारी सिफारिसका लागि बैठक बोलाइएको हो ।

गत हप्ता प्रधानमन्त्री केपी शर्मा ओली र प्रमुख प्रतिपक्ष दलका नेता तथा कांग्रेस सभापती शेरबहादुर देउवा विच भएकाे भेटमा भागभण्डाकाे आधारमा रिक्त रहेका आयाेगहरूमा पदाधिकारी सिफारिस गर्ने सहमतिपछि बैठक बाेलाइएकाे स्राेतले जनाएकाे छ ।

भागवण्डा अनुसार कसलाइ कुन पद भन्नेबारे भने खुलाइएकाे छैन् ।

नेपालको संविधानको धारा २८४ मा संविधान बमोजिम प्रधान न्यायाधीश र संवैधानिक निकायका प्रमुख र पदाधिकारीहरूको नियुक्तिको सिफारिस गर्न प्रधानमन्त्री, प्रधान न्यायाधीश, प्रतिनिधि सभाका सभामुख, राष्ट्रिय सभाका अध्यक्ष, प्रतिनिधि सभाका विपक्षी दलका नेता र प्रतिनिधि सभाको उपसभामुख सदस्य रहेको संवैधानिक परिषद् रहने व्यवस्था छ ।