- अनामनगर काठमाडौँ
- infobikalpa21@gmail.com
इलाम- किसानले उत्पादन गरेको दूध बिक्न छोडेपछि किसान चिन्तित भएका छन् । विराटनगरस्थित दुग्ध वितरण आयोजनामा केमिकल सकिएको भन्दै दूध बन्द गरेपछि किसान चिन्तित भएका हुन् ।
आयोजनाको पाउडर प्लान्ट बन्द भएपछि इलामबाट दूध निकासी बन्द भएको छ । गत मङ्सिर २५ गतेबाट दूध बिक्री बन्द भएपछि इलामका किसानले उत्पादन गरेको दूध खेर जाने स्थितिमा पुगेको छ । कतिपय किसानले निजी डेरीमा दूध बेच्न थालेका छन् भने कतिपयले दूध घरमै बिग्रिएको बताउन थालेका छन् ।
विभिन्न दुग्घ उत्पादक सहकारीमार्फत सङ्कलन भएको दूध चिस्यान केन्द्र हुँदै विराटनगर दुग्घ वितरण आयोजनामा पुग्ने गरेको थियो । आयोजनाको पाउडर प्लान्टमा चाहिने रसायन नभएपछि गत मङ्सिर २५ गतेदेखि इलामबाट विराटनगर दूध निकासी बन्द भएको हो । दूध बिक्री बन्द हुँदा इलामका किसान मारमा परेका छन् ।
दूध किसान धातृप्रसाद निरौलाले दैनिकी आम्दानीका रुपमा बिक्री हुँदै आएको दूध बिक्न छोडेपछि समस्या आएको गुनासाे गरे । उनले यस्तो समस्या तत्काल नहटे आफूहरुले उत्पादन गरेको दूध खेर जाने बताए । पाउडर प्लान्टमा चाहिने रसायन भारतबाट आयात गर्नुपर्ने बाध्यता रहेको बताइएको छ ।
विराटनगर दुग्घ वितरण आयोजनाले भारतबाट ल्याउँदै गरेको रसायन ल्याउन नसक्दा यहाँका किसानले दूध बेच्न नपाएका हुन् । रसायन आउनासाथ सम्पूर्ण सङ्कलन केन्द्रबाट दूध लिन शुरु गरिने आयोजनाले जानकारी दिएको छ ।
आयोजनाले दूध पाउडर उत्पादनका साथै दैनिक उपभोक्तालाई दूध बिक्रीसमेत गर्दै आएको चिस्यान केन्द्र इलामका प्रमुख नन्दकुमार कोइरालाले जानकारी दिए । इलामका विभिन्न दुग्घ उत्पादक सहकारीमार्फत सङ्कलन भई दैनिक १६ हजार लिटर दूध विराटनगर निकासी हुने गरेको छ ।
इलाम बाहेक पाँचथर, झापा, सुनसरी, धनकुटा जिल्लाबाट समेत दूध सङ्कलन हुने गरेकामा हाल दूध सङ्कलन बन्द भएको छ । तत्काल रसायन ल्याएर समस्या समाधानमा लाग्नुपर्ने किसानको माग छ । किसानले दैनिक उत्पादन गर्ने वस्तु बिक्री गर्न नपाउँदा समस्या आएको भन्दै स्थानीय र प्रदेश सरकारले पहल गरेर भए पनि समस्या समाधान गर्न माग गरेका छन् ।
काठमाडौं : नेपाली कांग्रेसले पार्टीको १५औं महाधिवेशनमा स्वदेश तथा विदेशमा रहेका सबै क्रियाशील सदस्य, समर्थक र शुभेच्छुकलाई उत्साहपूर्वक सहभागी हुन...
काठमाडौं : नेपाली कांग्रेसका सभापति गगनकुमार थापाले स्वतन्त्र प्रेस समस्यामा पर्दा त्यसको प्रत्यक्ष असर लोकतान्त्रिक व्यवस्थामाथि पर्ने भएका कारण त्यसको...
काठमाडौं : पृथ्वी राजमार्गअन्तर्गत धादिङको कृष्णभीरमा एकतर्फी यातायात सुचारु भएको छ । सडकको अवस्था परीक्षण गर्न ट्रायलका रूपमा एकतर्फी यातायात सञ्चालनमा...
