प्रदेश १ का मुख्यमन्त्री राईविरुद्ध अविश्वासको प्रस्ताव दर्ता, ३ मन्त्रीको राजिनामा – Naya Bikalpa
November 20, 2026, Friday      Epaper

प्रदेश १ का मुख्यमन्त्री राईविरुद्ध अविश्वासको प्रस्ताव दर्ता, ३ मन्त्रीको राजिनामा


नयाँ विकल्प,
बिराटनगर – प्रधानमन्त्री केपी शर्मा ओली निकट मानिएका प्रदेश नं १ का मुख्यमन्त्री शेरधन राईविरुद्ध आइतबार बिहानै अविश्वासको प्रस्ताव दर्ता भएको छ ।

प्रधानमन्त्री ओलीले प्रतिनिधिसभा भंग गरी मध्यावधि निर्वाचन घोषणा गरेपछि सो कदमबिरुद्ध पार्टीका अर्का अध्यक्ष तथा बरिष्ठनेता माधवकुमार नेपाल समूहले ओली र उनी किनटका नेताबिरुद्ध मोर्चाबन्दी शुरु गरेका छन् ।

आइतबार मुख्यमन्त्री राईबिरुद्ध प्रदेश सभामा दर्ता गरिएको अविश्वासको प्रस्तावमा बहुमत प्रदेश सभाका सदस्यले हस्ताक्षर गरेका छन् । नेकपाका ६७ जना सदस्यमध्ये ४७ जना आफ्नो पक्षमा रहेको प्रचण्ड –माधव पक्षको दाबी भए पनि आइतबार वुझाइएको अविश्वासको प्रस्तावमा ३७ जनाको हस्ताक्षर छ ।

वाँकी १० जना प्रदेश सभा सदस्य कोभिडको कारण र आ–आफ्नो निर्वाचन क्षेत्रमा रहेका कारण भौतिक रुपमा उपस्थित हुन नसकेको दाबी गरिएको छ । प्रस्तावमा नेकपा संसदीय दलका उपनेता टंक आङ्बुहाङले समेत हस्ताक्षर गरेका छन् ।

दर्ता गरिएको अविश्वासको प्रस्तावमा पूर्वएमालेका केन्द्रीय सचिव भीम आचार्यलाई मुख्यमन्त्री बनाउने भनी प्रस्ताव गरिएको छ । प्रस्तावको प्रस्तावकमा अर्थमन्त्रीबाट निकालिएका इन्द्रबहादुर आङ्बो रहेका छन् भने समर्थकमा तेह्रथुममा प्रदेससभा सदस्य लक्ष्मण तिवारी रहेका छन् ।

अविश्वासको प्रस्ताव दर्ता गर्नुअघि नै प्रदेश सरकारका तीन मन्त्रीले राजिनामा समेत बुझाएका छन् ।
प्रदेश १ का अर्थमन्त्री इन्द्र आङ्बोलाई मुख्यमन्त्री राईले बर्खास्त गरेको भोलिपल्ट सामाजिक विकास मन्त्री जीवन घिमिरे र दुईजना राज्यमन्त्रीले राजीनामा दिएका छन् । तीनैजनाले राजीनामा पत्रमा हस्ताक्षर गरिसकेका छन् ।

सामाजिक विकास मन्त्री घिमिरेसँगै राजीनामा दिनेहरुमा सामाजिक विकास राज्यमन्त्री जसमाया गजमेर र उद्योग, पर्यटन वन तथा वातावरण राज्यमन्त्री विजय कुमार विश्वास छन् ।

अर्थमन्त्री आङबो यसअघि बादल समूहमा थिए । तर, प्रधानमन्त्री ओलीले संसद विघटन गरेर पार्टी विभाजन गरेपछि उनले बादलको साथ छाडेर प्रचण्ड–माधव समूहलाई साथ दिएका छन् ।

प्रदेश एकका नेता शावित्रीकुमार काफ्ले पनि बादल समूहमै थिए । तर, बादल ओलीको पक्षमा लागेपछि काफ्लेले पनि बादलको साथ छाडेका छन् ।

कुल ९३ सीट रहेको प्रदेश सभामा नेकपाका मात्रै ६७ सांसद छन् । पार्टी विभाजनपछि ओली समूह अर्थात शेरधन राईको पक्षमा २० जना मात्रै रहेको बताइन्छ । प्रचण्ड र माधव पक्षमा ४७ सांसद रहेको बताइन्छ ।

यसअघि माधव नेपाल पक्षले साथ दिएका कारण भीम आचार्यलाई हराएर शेरधन राई संसदीय दलको नेता अनि मुख्यमन्त्री बनेका थिए । माधव नेपाल पक्षको साथ नपाएको भए ओली पक्षले प्रदेश १ मा मुख्यमन्त्री पाउने सम्भावना यसअघि पनि थिएन ।

प्रधानमन्त्री ओलीको गृहजिल्ला समेत समेटिएको प्रदेश १ मा पूर्वएमालेभित्रै पनि माधव नेपाल पक्षभन्दा ओली पक्ष कमजोर देखिँदै आएको थियो । यसमा माओवादीले माधव नेपाल पक्षलाई साथ दिएपछि ओली पक्ष थप कमजोर बनेको हो ।

विशेष गरी मोरङ र सुनसरीमा ओली पक्षको भन्दा माधव नेपाल पक्षको पकड बलियो मानिँदै आएको छ । यद्यपि, भीम आचार्यको कार्यशैलीका कारण नेपाल पक्षका राजकुमार ओझा लगायतका केही नेताहरु भने असन्तुष्ट रहँदै आएका छन् ।

तत्कालिन नेकपाको प्रदेश नं १ संसदीय दलको नेतामा भीम आचार्य अर्का नेता शेरधन राईसँग १ मतले पराजित भएका थिए ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ पुष १२, १३: ०५

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ पुष १२, १३: ०५

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ पुष १२, १३: ०५

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...