सेयर बजारमा समान्य करेक्सन, विश्लेषक भन्छन् – बजार बढ्नुकाे विकल्प छैन् – Naya Bikalpa
November 20, 2026, Friday      Epaper

सेयर बजारमा समान्य करेक्सन, विश्लेषक भन्छन् – बजार बढ्नुकाे विकल्प छैन्


नयाँ विकल्प
काठमाडौं : ब्रोकर कमिसन घटेपछि बजार बढ्ने आम लगानीकर्ताको अपेक्षा विपरीतको प्रवृत्ति देखिएको छ । नेप्से सूचक आइतबार ३९.९८ अंकले घटेर १९९८.६५ विन्दुमा आइपुगेको छ । २०४ कम्पनीको ८१ लाख ७७ हजार भन्दा बढी कित्ता सेयर कारोबार भएको छ । कारोबार भएका सबै समूहको सूचक घटेको छ ।

सबैभन्दा धेरै जीवन बिमा समूहको सूचक ५१९.४८ अंकले घटेको छ । वाणिज्य बैंक समूहमा पनि २३.१२ अंकको गिरावट आएको छ । ४ अर्ब ६२ करोड रुपैयाँभन्दा बढीको सेयर कारोबार भएको छ । खरिदबिक्री रकममा नेपाल लाइफ इन्सुरेन्स अग्रस्थानमा छ ।

यसको ६७ करोड ५७ लाख रुपैयाँभन्दा बढीको कारोबार भएको छ । दोस्रोमा नबिल बैंक र तेस्रोमा एनआइसी एसिया बैंक परेका छन् । नेप्से सूचकले आइतबार सकारात्मक प्रवृत्ति देखाउन नसकेको हो । सेयर बजारका लागि प्रायः सबै हिसाबले उपयुक्त माहोल देखिएको भए पनि बजार अझै माथि जान सकेको छैन । यसलाई कतिपयले बजारले नयाँ उचाई बनाउनुअघिको करेक्सन भनेका छन् ।

यस्तै, कतिपयले पुस महिना र अस्थिर राजनीतिको प्रभाव पनि भनिरहेका छन् । तर बजार लामो समयसम्म वियरिस बाटोमा हिँड्न नसक्ने अड्कलबाजीहरु पनि भइरहेको छ । किन भने ब्रोकर कमिसन घटेको छ । यसबाट लगानीकर्ताको कमिसन लागत कम भएको छ । यस्तै, वित्तीय प्रणालीमा प्रचुर लगानीयोग्य पुँजी छ । यसैगरी, लगानीको अन्य क्षेत्र संकुचित भएको अवस्था छ । यसैगरी, ब्याजदर घटेको छ । बैंकहरुले मुद्दति तथा बचतको ब्याजदर थप तल झारेका छन् । बजार बुलिस चक्रमा हिँडिरहेको छ ।

यी तमाम परिदृश्यहरुका कारण केही दिन करेक्सन भए पनि अन्ततः बजारले फेरि बुलिस जर्नीलाई नै पछ्याउने विश्लेषकहरु बताउँछन् । लगानीकर्ताले सबल वित्तीय सूचक भएका कम्पनीहरु छनोट गरी सकेसम्म अलिलामो समय होल्ड गर्ने हिसाबले सेयर खरिद गर्न सके दिनहुँ हुने उतारचढावबाट प्रताडित हुनुपर्दैन । विशेषगरी, नाफा, रिजर्भ, प्रतिसेयर आम्दानी, वितरण गर्न सक्ने नाफा, नेटवर्थ, लाभांश क्षमता, भविष्यमा व्यवसाय विस्तारको सम्भावना लगायतका पक्षलाई ख्याल गरी लगानी गर्न विज्ञहरु सुझाव दिने गर्छन् ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ पुष १२, १५: ३९

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ पुष १२, १५: ३९

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ पुष १२, १५: ३९

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...