कोरोना संक्रमणपछि एक सातादेखि अस्पताल भर्ना भएका सिटौलाको स्वास्थ्यमा सुधार – Naya Bikalpa
November 20, 2026, Friday      Epaper

कोरोना संक्रमणपछि एक सातादेखि अस्पताल भर्ना भएका सिटौलाको स्वास्थ्यमा सुधार


नयाँ विकल्प,
काठमाडौं – कोरोना भाइरस संक्रमित भएर हाल ह्याम्स अस्पताल धुम्वाराहीमा उपचार गराई रहेका नेपाली कांग्रेसका नेता तथा पूर्वउपप्रधानमन्त्री कृष्णप्रसाद सिटौलाको स्वास्थ्यमा क्रमिक सुभार भएको छ ।
गत मंसिर २६ गते कोरोना पोजेटिभ देखिएपछि आफ्नै निवास चण्डोलमा आइसोलेसनमा बसेका सिटौलालाई निमोनियाको लक्षण देखिएपछि पुस ५ गते अस्पताल लगिएको थियो ।
लगातार पाँच दिनसम्म रेमेडिसिभिर औषधि चलाएपछि उनको स्वास्थ्यमा सुधार आएको चिकित्सकहरुले जनाएका सिटौलाका स्वकिय सचिव प्रेम भट्टराईले जनाए । ज्वरो समेत कम भएकाले स्वास्थ्यमा क्रमिक सुभार भए शुक्रबारसम्ममा डिष्चार्ज हुन सक्ने उनले जनाए ।
अस्पतालको कोभिड वार्डमैं सिटौलाको उपचार भइरहेको छ । सिटौलाको अवस्था बारे जानकारी दिन महामन्त्री डा. शशांक कोइराला अस्पताल गएका थिए भने पूर्वराष्ट्रपति डा. रामबरण यादव, कांग्रेस सभापति शेरबहादुर देउवा र नेता रामचन्द्र पौडेल लगायतले फोनबाटै जानकारी लिएका थिए ।
नेता डा.मिनेन्द्र रिजाल, गगन थापा, प्रदीप पौडेलसहितका नेताले सिटौलाको स्वास्थ्य स्थितिको बारेमा अस्पताल गएरै जानकारी लिइरहेका छन् । सिटौलाको उपचारमा संक्रमण रोग विशेषज्ञ डा. अनुपराज सुवेदी नेतृत्वको चिकित्सक टोली खटिएको छ ।
शरिरमा सुगरको मात्रा बढेपछि उनलाई अस्पताल लैजान चिकित्सकले सुझाव दिएका थिए । बीर अस्पतालका चिकित्सक डा. भूपेन्द्र बस्नेतले सिटौलाको स्वास्थ्य स्थितिको परिक्षण समेत गरेका थिए ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ पुष १३, १३: ४५

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ पुष १३, १३: ४५

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ पुष १३, १३: ४५

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...