
नयाँ बिकल्प,
काठमाडौं – प्रतिनिधिसभा भङ्ग गर्ने सरकारको अलोकतान्त्रिक र असंवैधानिक कदमको बिरुद्ध नेपाली कांग्रेसले सोमबार देशव्यापी रुपमा आयोजना गरेको कार्यक्रममा वक्ताहरुले कम्युनिष्ट अतिबादका बिरुद्ध कांग्रेसले डटेर सामना गर्ने बताएका छन् ।

सोमबार काठमाडौं ९ नम्वर क्षेत्रिय समितिले कलंकीमा आयोजना गरेको विरोध सभामा बोल्दै कांग्रेस केन्द्रीय सदस्य किरण गिरीले कम्युनिष्ट सरकारको एकाधिकार, अधिनायकबादी चरित्र र असंवैधानिक कदमका बिरुद्ध पार्टी एकजुट भएर लाग्ने बताए ।

नेता गिरीले जहानियाँ राणाशासन, निरुकुंस पंचायति व्यवस्थादेखि माओवादी हिंसाको समेत सामना गरेर आएको कांग्रेसले कम्युनिष्ट सत्ताको अबैधानिक र निरंकुस शासनलाई परास्त गर्ने बताए । नले कांग्रेस लोकतान्त्रिक पार्टी भएकाले जनमतका लागि निर्वाचनबाट नभाग्ने घोषणा गरे ।

विरोध सभालाई संवोधन गर्दै नेपाल बिद्यार्थी संघका अध्यक्ष राजिप ढुंगानाले न्यायीयक स्वतन्त्रता र संसदीय लोकतन्त्रमा निश्वास गर्ने पार्टी भएको नाताले कांग्रेस निर्वाचनबाट नभाग्ने बताए ।

काठमाडौं कांग्रेस ९ नम्वर क्षेत्रीय सभापति जयकृष्ण महर्जनको सभापतित्वमा भएको सो विरोध सभामा महिला संघ ९ नम्वर क्षेत्रीय सभापति कल्याणी खड्का लगायतले कम्युनिष्ट एकाधिकार र निरंकुसतालाई परास्त गर्न एकजुट हुन आव्हान गरे।
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...
काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...
धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...