नेकपा ओली समूहको केन्द्रीय कमिटी १५ सय १ सदस्यीय बनाइयो – Naya Bikalpa
November 20, 2026, Friday      Epaper

नेकपा ओली समूहको केन्द्रीय कमिटी १५ सय १ सदस्यीय बनाइयो


नयाँ बिकल्प,

काठमाडौं – सत्तारुढ नेपाल कम्युनिष्ट पार्टी (नेकपा) अनौपचारिक रुपमा टुक्रिएपछि एउटा समूहको नेतृत्व गर्दै आएका प्रधानमन्त्री समेत रहेका केपी शर्मा ओलीले केन्द्रीय कमिटी संख्या एक हजार पाँच सय एक पुर्याएका छन् ।

मातहतको कमिटीलाई पठाइएको अन्तरपार्टी निर्देशिकामार्फत केन्द्रीय कमिटी सदस्य संख्या १ हजार ५ सय १ पुगेको जानकारी दिइएको छ । निर्देशीकामा ‘केन्द्रीय कमिटीको तेस्रो बैठकले दुई पटक नेकपाको अन्तरिम विधान २०७५ दोस्रो र तेस्रो संशोधन गरेको छ ।

यी संशोधनसँगै अब पार्टी केन्द्रीय कमिटीको सदस्य संख्या १ हजा ५ सय १ सदस्यीय भएको छ’ भनिएको छ । पुस ९ मा सम्पन्न नेकपा ओली समूहको केन्द्रीय कमिटी बैठकले नै विधानमा दोस्रो पटक संशोधन गरी केन्द्रीय कमिटी संख्या बढाएको थियो ।

यसअघि पुस ६ मा अध्यक्ष एवम् प्रधानमन्त्री केपी शर्मा ओलीले केन्द्रीय कमिटी संख्या १ हजार १ सय ९९ पुर्याएका थिए । थप गरिएका ४ सय जना केन्द्रीय सदस्य को को हुन भनेर सार्वजनिक गरिएको छैन ।

बालुवाटार स्रोतका अनुसार नेकपाको पुष्पकमल दाहाल प्रचण्ड र माधवकुमार नेपाल समूहमा रहेका असन्तुष्टलाई पद दिनका लागि तीन सय सिट खाली राखिएको छ । तत्कालिन नेकपा एमाले र नेकपा माओवादी केन्द्र एकीकरण हुँदा एकीकृत पार्टी नेकपाको केन्द्रीय कमिटी ४ सय ४१ हो । त्यसमा पछि ४ जना सदस्य थपिएको थियो ।

ओलीले पुस ५ गते बालुवाटारमा आफू निकटका करिव एक सय १३ जना केन्द्रीय सदस्यहरुको भेला बोलाई थप ५५६ जनालाई केन्द्रीय सदस्यमा मनोनित गरे । उनले एक हजार एक सय ९९ जना केन्द्रीय कमिटी सदस्य हुने भने पनि वाँकी केन्द्रीय सदस्यको मनोनीत गरिसकेका छैनन् ।

नेकपाका केन्द्रीय कमिटि सदस्य युवराज खतिवडासहित पाँच जना सदस्य राजदूत नियुक्त र अन्य संवैधानिक पदमा नियुक्त भइसकेका छन भने पाँच जनाको निधन भइसकेको छ । त्यसैले बैधानिक रुपमा नेकपामा हाल ४ सय ३७८ सदस्य मात्र छन् ।

नेकपाको मूल धार ओली समूह हो वा प्रचण्ड –नेपाल समूह हो भन्ने विषयमा निर्वाचन आयोगले बिबाद निरुपण गरिनसकी अहिले कुनै एकलाई मान्यता दिने अवस्था छैन ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ पुष २७, १३: ००

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ पुष २७, १३: ००

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ पुष २७, १३: ००

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...