राष्ट्रिय विकास परिषद बैठक बालुवाटारमा शुरु – Naya Bikalpa
November 20, 2026, Friday      Epaper

राष्ट्रिय विकास परिषद बैठक बालुवाटारमा शुरु


नयाँ विकल्प,

काठमाडौं – प्रधानमन्त्री अध्यक्ष रहेको राष्ट्रिय विकास परिषदको ४८ औं बैठक शुक्रबार प्रधानमन्त्रीको सरकारी निवास बालुवाटारमा शुरु भएको छ ।

विकास निर्माणमा भएका प्रगतिको समिक्षा, छलफल र जानकारी दिने उदेश्यले बैठक बोलाइने गरिन्छ । चालु आर्थिक वर्षको ६ महिना पूरा हुँदा लक्ष्य अुसार राजस्व नउठेको र अनुदान पनि प्राप्त नभएको अवस्थामा परिषद् बैठक बोलाइएको छ ।

सरकारले गरेको सम्पूर्ण आम्दानीभन्दा २३ अर्ब रुपैयाँ बढी खर्च हुँदा विकास खर्चको अवस्था निराशाजनक छ । स्रोतको अभावका कारण सरकारले कोरोना खोपको रकम जुटाउन दाता गुहार्नु पर्ने अवस्था सृजना भएको छ ।

चालु आर्थिक वर्षका लागि १४ खर्ब ७४ अर्ब रुपैयाँको बजेट ल्याएको सरकारले १० खर्ब ११ अर्ब रुपैयाँ राजस्व उठाउने लक्ष्य राखेको छ ।

चालु आर्थिक वर्षको आधा अवधि सकिँदा समेत ३८ प्रतिशत मात्र राजस्व संकलन भएको छ । पुससम्म सरकारले ३ खर्ब ८८ अर्ब रुपैयाँ राजस्व उठाएको छ ।

हालसम्म ५ अर्ब रुपैयाँ अनुदान प्राप्त भएको छ यो आर्थिक वर्ष साढे ६० अर्ब रुपैयाँ अनुदानको लक्ष्य सरकारले राखेको छ । आधा वर्षमा अधिक चालु खर्च भइसक्दा समेत विकास खर्चको अवस्था भने निराशाजनक छ ।

चालु अर्थिक वर्षको ६ महिनामा वार्षिक लक्ष्यको १४ प्रतिशत मात्र विकास बजेट खर्च भएको छ । यो वर्ष ३ खर्ब ५२ अर्ब रुपैयाँ विकास बजेट खर्च गर्ने लक्ष्य राखिएकोमा ४९ अर्ब रुपैयाँ मात्र खर्च भएको हो ।

सरकरले बजेटमा परेका सबै विकास निर्माणका काम कात्तिक १५ भित्रै सुरु भइसक्ने गरी सुधारको व्यवस्था गरेको थियो । यसबाट विकास खर्चमा सुधार आउने सरकारको अपेक्षा थियो । तर त्यसका विपरित विकास खर्चको अवस्था विगतको भन्दा खस्किएको छ ।

कुल आम्दानीभन्दा खर्च अधिक भएपछि हिसाब मिलान गर्न सरकारले विभिन्न कोषमा मौज्दात रकम प्रयोग गरेर खर्च धानेको छ । खर्च बढ्दै गएको र राजस्व नउठेर लक्ष्य नै घटाउनुपर्ने अवस्था आएपछि सरकारले कोरोना खोपका लागि आवश्यक रकम जुटाउन सहयोगको अपेक्षा सार्वजनिक सूचनाबाट गरेको छ ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ माघ २, १३: ०४

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ माघ २, १३: ०४

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ माघ २, १३: ०४

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...