राज्यबिरुद्धको कसूरमा प्रधानमन्त्री र राष्ट्रपतिलाई २५ वर्षसम्मको कैद सजायको माग – Naya Bikalpa
November 20, 2026, Friday      Epaper
प्रतिनिधि सभा विघटन प्रकरण–संवैधानिक इजलासमा अधिवक्ता अर्यालको बहस

राज्यबिरुद्धको कसूरमा प्रधानमन्त्री र राष्ट्रपतिलाई २५ वर्षसम्मको कैद सजायको माग

नयाँ विकल्प,


काठमाडौं – अधिवक्ता ओमप्रकाश अर्यालले राष्ट्रपति विद्यादेवी भण्डारी र प्रधानमन्त्री केपी शर्मा ओलीले प्रतिनिधिसभा विघटनको सूचना फिर्ता नलिए राज्यविरुद्धको कसूर –राज्य द्रोहको कसुर बमोजिम २५ वर्षसम्मको कैद सजाय माग गरेका छन् ।

प्रतिनिधिसभा विघटन गर्ने सरकारको निर्णयविरुद्धको रिटमाथि बिहीबार संवैधानिक इजलासमा बहस गर्दै अधिवक्ता अर्यालले प्रतिनिधिसभा विघटनले संविधानको धारा ५ को राष्ट्रिय हित प्रतिकूलको दण्डनीय कार्य, धारा १०० र धारा १०१ को प्रधानमन्त्री र राष्ट्रपतिलाई पदमुक्त गर्ने आधार तथा मुलुुकी अपराध संहिता, २०७४ को दफा ५० बमोजिमको २५ वर्षसम्म कैद हुने राज्यद्रोहको कसुर आकर्षित हुने दाबी गरे ।

उनले कार्यकारिणीद्वारा अनधिकृत शक्तिको प्रयोग गरी प्रतिनिधि सभालाई निष्कृय बनाउने कार्य भएको भन्दै क्रियाशील बनाउने कानूनी उपायहरु समेत प्रस्तुत गरेका छन् ।

अधिवक्ता अर्यालले मन्त्रिपरिषद्को सिफारिसमा राष्ट्रपतिले प्रतिनिधिसभा विघटन गरेको सूचना अझैसम्म राजपत्रमा प्रकाशित नभएकाले प्रतिनिधिसभा अझै जीवित रहेको तथ्य प्रस्तुत गरे । उनले संविधानको एउटा संरचनामाथिको प्रहारलाई संविधानमाथिको अपराध भएको दाबी गरेका छन् ।

प्रतिनिधि सभा विघटनलाई अर्यालले संविधानको जीवन रेखालाई विच्छेद गर्ने जोखिम बढाउने गरी संवैधानिक शक्ति सन्ुतलन र संवैधानिक सुशासनमा गम्भीर आघात पारेको र नेपालको संविधानको दिशान्तरण, अद्योपतन र अवसानतर्फ लक्षीत कार्य भएको दाबी गरेका छन् ।

‘अनधिकृत शक्तिको प्रयोग गरी प्रतिनिधिसभा विघटनको घोषणा गर्नु गराउनु संविधान विरोधी कार्य भई राजनैतिक, संवैधानिक र कानूनी रुपमा दण्डनीय हुने आधार ः अनधिकृत शक्तिको प्रयोग गरी सार्वभौम जनताले पाँच वर्षका लागि निर्वाचित गरेको जनप्रतिनिधिको संस्थाको क्रियाशीलतामा अवरोध पारिनु हो’, अधिवक्ता अर्यालले बहसमा भने ।

उनले प्रतिनिधिसभा विघटनको सूचना अनधिकृत, अनाधिकार, कानूनको अख्तियारीविहिन वा अधिकार शुन्य भइ प्रारम्भदेखि नै स्वतः कानूनी प्रभाव शुन्य रहेको र त्यसबाट राष्ट्रलाई अपूरणीय क्षती भएकोले सो कार्य कानूनी रुपमा दण्डनिय भएको जिकिर गरेका छन् ।

अर्यालले ‘अब उप्रान्त संविधानका असम्वन्धित धाराको प्रयोग मार्फत अनधिकृत शक्ति ग्रहण गरी प्रतिनिधिसभाको विघटन वा अबरोध हुने कुनै पनि प्रकारको कार्य नगर्न, नगराउन राष्ट्रपति र प्रधानमन्त्रीजूलाई सचेत गराउन’ आदेश दिनको लागि संवैधानिक इजलास समक्ष माग गरेका छन् ।

उनले कार्यकारिणीद्वारा अनधिकृत शक्तिको प्रयोग गरी अबरुद्ध पारिएको प्रतिनिधिसभा क्रियाशील बनाउने चार उपायमध्ये राष्ट्रपति स्वयंले प्रतिनिधि सभा विघटनको सूचना फिर्ता लिन लगाउन वा सभामुखले अनधिकृत सूचनालाई कानून निष्प्रभावशुुन्य घोषणा गर्ने, अधिवेशन नबसेको अवधि छ महिला पुगीसकेकाले सभालाई स्वयं क्रियाशील गराउने उपाय अपनाउने र सभाको अधिवेशनबाटै त्यस्तो उपायलाई अनुमोदन गराउने कार्य जरुरी भएको जिकिर गरेका छन् ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ माघ ८, १७: ०५

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ माघ ८, १७: ०५

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ माघ ८, १७: ०५

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...