सर्वोच्च नेतृ सुुकी र राष्ट्रपति मिन्टलाई हिरासतमा, म्यानमारमा संकटकाल घोषणा – Naya Bikalpa
November 20, 2026, Friday      Epaper
म्यानमारमा फेरि सैंनिक ‘कूू’,

सर्वोच्च नेतृ सुुकी र राष्ट्रपति मिन्टलाई हिरासतमा, म्यानमारमा संकटकाल घोषणा



नयाँ विकल्प,

काठमाडौँ । पूर्वी एसीयाली मुलुक म्यानमार (वर्मा)मा नेसनल लिग फर डेमोक्रेसी (एनएलडी) की सर्वोच्च नेतृ आङ सान सू कीलाई त्यहाँको सेनाले ‍आईतबार हिरासतमा लिएर एक वर्षसम्मको लागि देशमा संकटकाल घोषणा गरेको छ ।

सुकीको पार्टी एनडीएले वक्तव्य जारी गरी यसबारेमा जानकारी दिएका हो । केही सयमदेखि म्यानमारमा सरकार र सेनाबीच तनाव देखिएको थियो । गत नोभेम्बर महिनामा भएको चुनावमा सुकीको पार्टी एनएलडीले प्रचण्ड बहुुमतसहित विजयी भएको थियो ।

सेनाले चुनावमा व्यापक धाँधली भएको आरोप लगाउँदै आएको छ । सेनाले सोमबारका लागि निर्धारित संसद् बैठक स्थगित गर्न आह्वान गरेको छ । एनएलडीका प्रवक्ताले रोयटर्सलाई दिएको जानकारीअनुसार सुकीसहित राष्ट्रपति विन मिन्ट र अन्य नेताहरुलाई सेनाले हिरासतमा लिएको छ।

राजधानी याङ्गूनका सडकमा सेनाको बाक्लो उपस्थिति छ । राजधानी याङ्गूनमा टेलिफोन र इन्टरनेट सेवा बन्द गरिएको छ ।

म्यानमारमा सन् २०११ सम्म सेनाले प्रत्यक्ष शासन गरेको थियो । सो समयमा सुकीलाई लामो समय घरमै नजरबन्दमा राखिएको थियो । उनलाई सन् १९८९ देखि २०१० सम्म नजरबन्दमा राखिएको थियो ।

सुकी म्यानमारका स्वतन्त्रता सेनानी जनरल आङ सानकी छोरी हुन् । उनी मानव अधिकार र अभिव्यक्ति स्वतन्त्रताका लागि लड्ने व्यक्तिका रुपमा विश्वमै परिचित छिन् ।

प्रजातन्त्रको पुनस्स्थापना र मानव अधिकारका लागि अहिंसात्मक तवरले लड्दै आएको भन्दै उनलाई सन् १९९१ मा सुुकीलाई नोबेल शान्ति पुरस्कार दिइएको थियो । सेनाले विभिन्न राज्यका मुख्यमन्त्रीलाई घरबाटै नियन्त्रणमा लिएको थियो ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ माघ १९, १२: २८

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ माघ १९, १२: २८

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ माघ १९, १२: २८

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...