नेकपा नेतृ झाँक्री बिना सर्त रिहा, बिहीबार दिनभर झाँक्री गिरफ्तारको घटना सनसनीपूर्ण – Naya Bikalpa
November 20, 2026, Friday      Epaper

नेकपा नेतृ झाँक्री बिना सर्त रिहा, बिहीबार दिनभर झाँक्री गिरफ्तारको घटना सनसनीपूर्ण


नयाँ बिकल्प,

काठमाडौं । सरकारको दबाबमा प्रहरी लगाई पक्राउ गरिएकी नेकपा प्रचण्ड — माधव समूहकी नेतृ तथा प्रतिनिधिसभाकी निवर्तमान सदस्य रामकुमार झाँक्रीलाई प्रहरीले अहिले साँझ छाडेको छ ।
प्रहरीले घरमै लगेर छाडिदिने सर्तमा उनलाई रिहा गरिएको छ ।

राष्ट्रपतिविरुद्ध एक साताअघि गोरखामा आयोजित एक कार्यक्रममा अभिव्यक्ति दिएको आरोपमा उनलाई प्रहरीले आज दिउँसो उनकै निवास नयाँ बानेश्वर शंखमुलबाट पक्राउ गरेको थियो ।

नेतृ झाँक्रीले आफूलाई कुनै उजुरीविना नै प्रहरीले पक्राउ गरेको बताएकी छन् । उनले सरकारको प्रत्यक्ष दबाबबाट प्रहरीले आफूलाई नियन्त्रणमा लिएको हिरासतमुक्त भएपछि सञ्चारकर्मीलाई बताइन् ।

‘मेरोविरुद्ध कुनै जाहेरी दर्ता भएको थिएन । सरकारले प्रत्यक्ष दबाब दिएर नियन्त्रणमा लिने प्रयास गरेको रहेछ । राजनीतिक रूपमा ुह्यारेस्टमेन्टु गर्ने हिसाबले पक्राउ गरिएको हो’, रिहा पछि उनले भनिन् ।

झाँक्रीले आफ्नो रिहाइसँगै प्रतिगमन झुक्ने प्रक्रिया सुरु भएको दाबी गरिन् । दबाबका अगाडि प्रतिगमन झुक्ने प्रक्रिया सुरु भएको बताईन् । प्रहरीले झाँक्रीसँग राष्ट्रपतिबारे गोरखामा दिएको अभिव्यक्तिबारे सोधपुछ गरेको छ ।

झाँकी पक्राउ विरोधमा राजनीतिक दल, दलका नेता र नागरिक समाजबाट समेत चर्को विरोध भएपछि सरकार उनलाई बिनासर्त रिहा गर्न बाध्य भएको थियो ।

सामाजिक सञ्जालमा झाँक्रीले बुधबार नेकपा प्रचण्ड माधव समूहको बिरोध सभामा बोलेको, जनआन्दोलनमा प्रहरी दमनबाट रक्ताम्य भएको र ११ वर्षअघि माघ २९ गते भएको बिबाहको तस्बीर भाईरल भएका छन् ।

उनलाई कतिपयले बैबाहिक वर्षगाँठमा प्रधानमन्त्री ओलीले गिरफ्तार गरेर गिफ्ट दिएको ब्यङ्ग्य पनि गरेका थिए । बिहीबार दिनभर सामाजिक सञ्जाल र राजनीतिक बृत्तमा झाँक्री गिरफ्तारीको बिरोधमा सरकारको आलोचना भएको थियो भने युवा तथा विद्यार्थी संगठनहरुले बिरोध प्रदर्शन गरेका थिए ।

उनको रिहाइ नगरिए आम हड्ताल गर्ने अनेरास्ववियूले चेतावनी दिएको थियो ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ माघ २९, १९: २१

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ माघ २९, १९: २१

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ माघ २९, १९: २१

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...