काँग्रेस स्थानीय तह समन्वय विभाग सक्रिय, ११ फागुनमा प्रशिक्षण हुने – Naya Bikalpa
November 20, 2026, Friday      Epaper

काँग्रेस स्थानीय तह समन्वय विभाग सक्रिय, ११ फागुनमा प्रशिक्षण हुने


नयाँ बिकल्प,

काठमाडौ – नेपाली काँग्रेस स्थानीय तह समन्वय विभागले एक दिने प्रशिक्षण सञ्चालन गर्ने भएको छ ।

विभाग गठनपछि पहिलो पटक पार्टी केन्द्रीय कार्यालय सानेपामा शुक्रबार भएको बैठकले विभागका सदस्यहरुको कार्यक्षेत्र, गर्नुपर्ने काम, पार्टीलाई मजबुत पार्नका लागि स्थानीय तह समन्वय विभागले खेल्नुपर्ने भुमिकाका बारेमा फागुन ११ गते एक दिने प्रशिक्षण आयोजना गर्ने निर्णय गरेको हो ।

विभागका प्रमुख तथा केन्द्रीय सदस्य अर्जुनप्रसाद जोशीको अध्यक्षतामा बसेको सो बैठकले पार्टी केन्द्रीय कार्यालयमा प्रशिक्षण सञ्चालन गर्ने निर्णय गरेको हो ।

‘विभागमा बस्नेहरुको भावनाअनुसार विभागको कार्यक्षेत्र, विभागको भूमिका, काम र पार्टीलाई मजबुत बनाउन विभागको दायित्व र जिम्मेबारी सम्बन्धमा विभागका सदस्यलाई सम्बन्धित क्षेत्रका विज्ञहरुलाई बोलाएर प्रशिक्षण दिने निर्णय गरेका छौ’ विभाग प्रमुख जोशीले भने ।

बैठकमा सात वटै प्रदेशबाट सहभागी सदस्यहरु र विभागका सचिव नहकुल केसीलाई विभाग प्रमुख जोशीले मनोनयन पत्र बितरण गरेका थिए । विभागले यसअघि भर्चुअल रुपमा बैठक सञ्चालन गर्दै आएको थियो । प्रत्यक्ष उपस्थित भएर आयोजना गरेको यो बैठक पहिलो हो ।

बैठकमा अघिल्ला भर्चुअल बैठकको प्रगति समिक्षा, विभिन्न प्रदेशस्तरीय समन्वय बैठकका बारेमा छलफल भएको थियो । विभागमा हाल प्रमुख जोशीसहित ४१ जना सदस्य छन् । बैठकको सञ्चालन विभागका सचिव नहकुल केसीले गरेका थिए ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ फाल्गुन ७, २१: १२

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ फाल्गुन ७, २१: १२

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ फाल्गुन ७, २१: १२

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...