प्रदेश नं १ का मुख्यमन्त्री राईबिरुद्ध अविश्वासको प्रस्ताव सभासमक्ष पेश – Naya Bikalpa
November 15, 2026, Sunday      Epaper

प्रदेश नं १ का मुख्यमन्त्री राईबिरुद्ध अविश्वासको प्रस्ताव सभासमक्ष पेश

नयाँ बिकल्प,
काठमाडौं ।
विराटनगर । प्रदेश नं १ का मुख्यमन्त्री शेरधन राईविरुद्ध दर्ता भएको अविश्वासको प्रस्ताव आइतबार प्रदेश सभामा पेश भएको छ । सत्तारुढ नेपाल कम्युनिष्ट पार्टी नेकपाको केपी शर्मा ओली समूह निकटका प्रदेश नं १ का मुख्यमन्त्री राईविरुद्धको अविश्वासको प्रस्ताव प्रचण्ड–माधव समूहका सांसद ईन्द्र आङ्बोले सदनमा पेस गरेका हुन् ।

प्रदेश सभाका सभामुख प्रदीपकुमार भण्डारीले सांसद आङ्बोलाई सो प्रस्ताव सदन समक्ष पेश गर्न अनुमति दिएका थिए । आङ्वोले अविश्वास प्रस्ताव पेश गरेलगत्तै सभामुख भण्डारीले आगामी फागुन २० गतेसम्मका लागि संसद बैठक स्थगित भएको घोषणा गरेका थिए ।

सत्तारुढ नेपाल कम्युनिष्ट पार्टीमा बिकसित भएको आन्तरिक बिबादका कारण १ नम्वर प्रदेशमा अल्पमतमा परेका नेकपा प्रदेश संसदीय दलका नेता तथा मुख्यमन्त्री राईले प्रदेश सभा बैठक रोक्न दिएको दबाब सभामुखले आइतबार बिहान अश्वीकार गरेका थिए । प्रदेश सभा बैठक सूचना टाँसेर स्थगित गर्न मुख्यमन्त्री राईले आग्रह गरेका थिए ।

गत माघ २५ को बैठकमा अविश्वास प्रस्ताव टेबल हुने कार्यसूची भए पनि मुख्यमन्त्री राई पक्षधर सांसदको अवरोधपछि सभामुखले १४ दिन संसद् बैठक स्थगित गरेका थिए । प्रदेश १ मा सत्तारुढ नेकपासँग ६७ जना सांसद छन् ।

९३ सदस्य रहेको प्रदेश १ मा राईको विपक्षमा ३७ सांसदले अविश्वासको प्रस्तावमा हस्ताक्षर गरेका थिए ।

सम्बन्धित समाचार

क्षति पुगेको खुलामञ्चको स्वरूप फर्काउँदै कांग्रेस
क्षति पुगेको खुलामञ्चको स्वरूप फर्काउँदै कांग्रेस
  • २०७७ फाल्गुन ९, १६: ३०

काठमाडौं : नेपाली कांग्रेसको १५औँ महाधिवेशनका क्रममा क्षति पुगेको काठमाडौँको ऐतिहासिक टुँडिखेलस्थित खुलामञ्चको हरियाली र सौन्दर्य फर्काउन कांग्रेस आफैँ अग्रसर...

रास्वपाका २० जना सांसद चीन प्रस्थान
रास्वपाका २० जना सांसद चीन प्रस्थान
  • २०७७ फाल्गुन ९, १६: ३०

काठमाडौं : सत्तारुढ दल राष्ट्रिय स्वतन्त्र पार्टी (रास्वपा) का २० सदस्यीय उच्चस्तरीय प्रतिनिधिमण्डल चीन भ्रमणमा गएको छ । पार्टी महामन्त्री...

प्रधानमन्त्री शाहद्वारा छठ पर्वको शुभकामना, सुशासन र समृद्धिको लक्ष्यमा प्रेरणा मिल्ने विश्वास
प्रधानमन्त्री शाहद्वारा छठ पर्वको शुभकामना, सुशासन र समृद्धिको लक्ष्यमा प्रेरणा मिल्ने विश्वास
  • २०७७ फाल्गुन ९, १६: ३०

काठमाडौं । प्रधानमन्त्री बालेन्द्र शाहले छठ पर्वको अवसरमा स्वदेश तथा विदेशमा रहेका सम्पूर्ण नेपालीलाई शुभकामना व्यक्त गरेका छन् । प्रधानमन्त्री...