१० लाख लिएर एपीवान टिभिले कार्यक्रम प्रशारण नगरेको र रकम फिर्ता नदिएको भन्दै काउन्सिलमा उजुरी – Naya Bikalpa
November 21, 2026, Saturday      Epaper

१० लाख लिएर एपीवान टिभिले कार्यक्रम प्रशारण नगरेको र रकम फिर्ता नदिएको भन्दै काउन्सिलमा उजुरी


नयाँ बिकल्प,
काठमाडौं । राजधानीबाट प्रशारण भइरहेको मूलधारको राष्ट्रिय टेलिभिजन प्रशारण संस्था एपीवान टेलिभिजनले एक संस्थासँग कार्यक्रम प्रशारण गर्ने भनी १० लाख रुपैयाँ लिएर खाएको पीडितले गुनासो गरेका छन् ।

ओमेगा इन्टरटेन्मेन्ट प्रालीका सिइओ प्रवेश सम्राट नामले चिनिएका विष्णु बरालले एपीवान टेलिभिजनसँग एउटा टेलिभिजन कार्यक्रम संचालन गर्न भनि दिएको पेश्की बापतको रकम फिर्ता नदिएको र कार्यक्रम पनि प्रशारण गर्न नदिएको भन्दै प्रेस काउन्सिलमा उजुरी दिएका हुन् ।

ओमेगाका सिईओ बराल र टेलिभिजनका तत्कालिन विक्री तथा माकेटिङ निर्देशक शम्भु गुरागाईंबीच आजभन्दा तीन वर्षअघि अर्थात २०१८ मार्च १८ मा भएको सम्झैता बमोजिम एउटा टेलिभिजन कार्यक्रम संचालन गर्न भनी दश लाख रुपैयाँ ओमेगाले टेलिभिजनलाई बझाएको थियो ।

विभिन्न कारण देखाउँदै कार्यक्रम संचालन हुन नसकेपछि पेश्कि बापतको रकम फिर्ता माग्न ओमेगाका तर्फबाट बरालले गत २१ अक्टोबर २०२० मा लिखित निबेदन दिएका थिजए । तर उनको निवेदनमाथि सुुनुवाई नभएपछि बराल टिभिको कार्यालय गएकोमा कर्मचारीले उल्टै धम्की दिएको उजुरीमा जनाइएको छ ।

आफ्नो फसेकको रकम सम्झौता बमोजिम कार्यक्रम प्रशारण नभएपछि फिर्ता माग्न २०७७ पुस २४ गते शुक्रवार एपीवान टेलिभिजनको कार्यालयमा गएका विष्णु बराललाइृ कर्मचारीहरुले उल्टै धम्काएको दाबी गरेका छन् ।

टेलिभिजनका कर्मचारीहरुले पुस १९ गते रिपोर्टिङ गरी तयार पारेको बैदेशीक रोजगारीमा ठगी सम्वन्धी रिपोर्ट टेलिभिजनको खुल्ला मञ्च नामका कार्यक्रममा पुस २२ गते प्रशारण गर्ने भनिएकोमा बैदेशीक रोगजारीमा ठगिएकाहरुलाई पीडामाथि पीडा थप्दै बैदेशीक रोजगार कम्पनिको प्रलोभनमा परेको उजुरीकर्ता बरालले दाबी गरेका छन् ।

प्रेस काउन्सिलमा गत पुस २८ गते बरालले दर्ता गरेको उजुरीमा सम्झौता अनुसारको रकम फिर्ता गराई दुव्र्यवहार गर्ने एपीवानका कर्मचारीमाथि कारबाहीको माग गरिएको छ ।

आफ्नो प्रसारण गर्न ठिक्क पारिएको रिपोर्ट प्रशारण नभएको विषयमा एपीवान टिभिका खुल्लापञ्च कार्यक्रमका निर्माता बिष्णु पन्तले समय दिएकै आधारमा कुराकानी गर्न जाँदा टेलिभिजनको कार्यालयमा रहेका टेलिभिजनका चार्टड एकाउण्टेण्ट केसरी बल्लब दाहालकै सामुन्नेमा पन्तले आफूमाथि अश्लिल शब्द प्रयेग गर्दै, गालि गलौज र हातपात गरेको बरालले दाबी गरेका छन् ।

बरालले आफूलाई मार्केटिङ्ग र अन्य विभागका गरी ५ –६ जना कर्मचारीले अश्लिल शब्दले गाली गरेको बताए । तसर्थ पत्रकारितालाई राजनीतिको आडमा विद्यार्थी लगाएर कार्यालयमै हात–पात गर्ने एपीवान टेलिभिजन प्रशासनले पत्रकारिताको नाममा सौदावाजी गरिरहेको बरालले दाबी गरे ।

टेलिभिजनका दोषी कर्मचारीलाई कडा कारबाही गरी आफ्नो सम्झौता बमोजिमको रकम फिर्ता गर्न भनी प्रेस काउन्सिलमा बरालले निवेदन दिए पनि एक साता नवित्दै काउन्सिलले आफ्नो कार्यक्षेत्र भित्र नपर्ने भन्दै कारबाही अघि नबढाएको बरालले गुनासो गरे ।

संचारकर्मी र संचारमाध्यमको शक्तिको आडमा एपीवान टेलिभिजनले आफूर आफूजस्तै कार्यक्रम संचालन गर्न सम्झौता गरेका व्यवसायीहरु पीडित भएको विष्णुु बरालले नयाँबिकल्पसँग गुनासो गरे ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ फाल्गुन ११, १७: ५१

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ फाल्गुन ११, १७: ५१

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ फाल्गुन ११, १७: ५१

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...