नेकपा बिबाद छिनोफानो नभएसम्म प्रचण्ड –माधव वा ओली कसैलाई पनि कांग्रेसले समर्थन नगर्ने – Naya Bikalpa
November 21, 2026, Saturday      Epaper

नेकपा बिबाद छिनोफानो नभएसम्म प्रचण्ड –माधव वा ओली कसैलाई पनि कांग्रेसले समर्थन नगर्ने


नयाँ बिकल्प,

काठमाडौं – नेपाली कांग्रेसले प्रतिनिधि सभा पुनस्र्थापनापछि बन्ने नयाँ सरकारको विषयमा सत्तारुढ नेपाल कम्युनिष्ट पार्टी (नेकपा)को बिबाद छिनोफानो नभएसम्म प्रचण्ड–माधव समूह वा ओली समूह कसैलाई पनि तत्काल समर्थन नगर्ने भएको छ ।

पछिल्लो विकसित राजनीतिक घटनाक्रमका बारेमा पार्टीको धारणा बनाउको लागि कांग्रेस सभापति शेरबहादुर देउवाको निवास बुढानीलकण्ठमा बिहीबार बसेको पदाधिकारी र पूर्वपदाधिकारीको बैठकले विकसित राजनीतिक घटनाक्रमका बारेमा छलफल गरी संसदीय प्रक्रिया शुरु भएपछि मात्र थप निर्णय गर्ने निष्कर्ष निकालेको हो ।

कांग्रेस नेता रामचन्द्र पौडेलले संसदीय प्रक्रिया सुरु भएपछि मात्र पार्टीले आगामी कदमका बारेमा निर्णय गर्ने बताए । उनले संसदीय प्रक्रिया केही सुरु नभएसम्म कांग्रेसले गर्ने भूमिका केही नभएकाले संसदीय प्रणालीको प्रक्रिया शुरु भएपछि मात्र कांग्रेसले उचित निष्कर्ष निकाल्ने सहमति भएको बैठकपछि संचारकर्मीलाई जनाए ।

पौडेलले प्रतिनिधि सभा पुनस्र्थापना गरेर सर्वाेच्च अदालतले देशलाई ठूलो संकटबाट जोगाएको भन्दै अदालतले लोकतन्त्र र संसदीय प्रणालीलाई बचाएको प्रतिक्रिया दिए ।

उनले प्रधानमन्त्री केपी शर्मा ओलीले नैतिकताको आधारमा राजीनामा दिएरमात्रै प्रतिनिधि सभाको बैठकमा आउन सक्ने पनि बताए । नैतिकता हो भने आफैँले भंग गरेको संसद्मा ओली जान नसक्ने उनले दाबी गरे ।

कांग्रेस पदाधिकारी बैठकपछि सहमहामन्त्री डा. प्रकाशशरण महतले परिस्थितिअनुसार पार्टीले निर्णय लिने सर्वसम्मत निष्कर्ष निकालेको जनाए ।

कानूनी रुपमा नेकपा पार्टी र संसदीय दलको नेता प्रधानमन्त्री केपी शर्मा ओली नै भएकाले कुन नेकपासँग सहकार्य गर्ने, सरकारमा जाने कि नजाने जस्तो विषयमामा छलफल नै नभएको डा. महतले प्रतिक्रिया दिए ।

उनले त्यस्तो सहकार्यका विषयमा छलफल गर्नु कांग्रेसका लागि हतारो हुने बताए । कानुनी आधार तयार नभई आफूहरुले ओलीसँग सहकार्य गर्ने कि प्रचण्ड माधवसँग भन्ने कुरामा छलफल गर्नुको औचित्य नभएको बताए ।

यसअघि पार्टी सभापति देउवासँग प्रतिनिधिसभा पुनस्र्थापना गर्ने सर्वोच्च अदालतको आदेशपछि विकसित घटनाक्रमका बिषयमा छलफल गर्न नेकपाको प्रचण्ड माधव समूहका अध्यक्ष पुष्पकमल दाहाल प्रचण्ड र माधवकुमार नेपाल बुधबार कुरा गर्न बुढानिलकण्ठ पुगेका थिए ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ फाल्गुन १३, २३: ०३

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ फाल्गुन १३, २३: ०३

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ फाल्गुन १३, २३: ०३

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...