नेकपा ओली समूहकी जिल्ला सदस्य रहेकी न्यायाधीशकी श्रीमती ब्राउन सुगरसहित पक्राउपछि प्रहरी तनावमा – Naya Bikalpa
November 21, 2026, Saturday      Epaper

नेकपा ओली समूहकी जिल्ला सदस्य रहेकी न्यायाधीशकी श्रीमती ब्राउन सुगरसहित पक्राउपछि प्रहरी तनावमा


नयाँ बिकल्प,
तुलसीपुर – पुनरावेदन अदालतका एक न्यायाधीशकी श्रीमती समेत रहेकी सत्तारुढ नेपाल कम्युनिष्ट पार्टी (नेकपा) ओली समूहको दाङ जिल्ला कमिटी सदस्य तुलसा पोख्रेललाई प्रहरीले लागूऔषधसहित पक्राउ गरेपछि उनलाई छाड्न प्रहरीमाथि दबाब आएको छ ।

लुम्विनी प्रदेशका मुख्यमन्त्री शंकर पोखरेलको गृह जिल्ला दाङको नेकपा ओली समूहको जिल्ला कमिटीमा रहेकी ४२ बर्षीय तुलसा पोखरेललाई फसाइएको भन्दै नेकपा ओली समूहका नेताहरुले उनलाई छाड्न प्रहरीलाई दबाब र धम्की दिन थालेका छन् ।

आइतबार दिउँसो पक्राउपछि इलाका प्रहरी कार्यालय तुलसीपुरको थुनुवा कक्षमा राखिएकी पोखरेललाई म्याद थपेर थप अनुसन्धान गर्नका लागि प्रहरीले सोमबार बिहान ११ बजे नै जिल्ला अदात घोराही पठाएको प्रहरीले जनाएको छ ।

उच्च अदालत सुर्खेतको जुम्ला इजलाशका न्यायाधीश मदन पोख्रेलकी कान्छी श्रीमती तुलसा पोखरेलले आफूलाई फसाइयो भन्दै प्रहरीले नियन्त्रणमा लिन खोज्दा समेत प्रहरीको गाडीमा चढ्न मानेकी थिइनन् ।

थुनुवा कक्षमा धेरै रौइ कराई गरेपछि उनी आइतबार राति बेहोस भएको प्रहरीले जनाएको छ । प्रहरीले पोखरेलको घरभित्रै हरेको स्कुटरबाट उनैलाई चाबी प्रयोग गरी डिक्की खोल्ल्न लगाउँदा डिक्कीभित्र ब्राउन सुगर फेला परेपछि उनलाई पक्राउ गरेको थियो ।

प्रहरीले लागूू औषधसहित पक्राउ गरिएकोले छाड्न नमिल्ने भन्दै अनुसन्धानमा सघाउन आग्रह गरेको छ ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ फाल्गुन १७, १३: ५२

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ फाल्गुन १७, १३: ५२

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ फाल्गुन १७, १३: ५२

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...