विप्लव समूहमाथिको प्रतिबन्ध हटाउँदै बन्दीको रिहाई र मुद्धा खारेजी – Naya Bikalpa
November 21, 2026, Saturday      Epaper
नेकपा विप्लव समूह र सरकारबीच ३ बुँदे सहमति

विप्लव समूहमाथिको प्रतिबन्ध हटाउँदै बन्दीको रिहाई र मुद्धा खारेजी


नयाँ बिकल्प,

काठमाडौं । नेत्र विक्रम चन्द ‘विप्लव’ नेतृत्वको अर्धभूमिगत पार्टी नेपाल कम्युनिस्ट पार्टी (विप्लव समूह) माथि दुई वर्षदेखि लाग्दै आएको प्रतिवन्ध फुकुवा हुने भएको छ ।

प्रधानमन्त्री निवास वालुवाटारमा बिहीबार सरकारी पक्ष र विप्लव पक्षबीच भएको वार्तामा विप्लव समूहमाथिको प्रतिवन्ध हटाउने विषयसहित तीन बुँदे सहमति भएको छ ।

सहमति अनुसार विप्लव समूह शान्तिपूर्ण राजनीतिमा आउने, सो दलमाथि लागेको प्रतिवन्ध फुकुवा गर्ने र सम्पूर्ण बन्दीको रिहाई र मुद्धा खारेजी हुने भएको छ ।

नेपाल प्रहरीका अनुसार सरकारले हालसम्म विप्लव समूहका दुई हजार ६४ जनालाई गिरफ्तार गरेको र ति मध्ये एक हजार नौ सय ७४ जनालाई मुद्दा चलाइएको थियो । मुद्दा दर्ता भएका मध्ये १ हजार ८ सय ६ जना छुटेका छन भने एक सय ३६ जना पुर्पक्षका लागि कारागारमा बन्दी छन् ।

सहमतिको विस्तृत विवरण फागुन २१ गते शुक्रबार विशेष समारोहका बीच सार्वजनिक गरिने सरकारका तर्फबाट रामबहादुर थापा र विप्लव समूहको तर्फबाट प्रवक्ता खड्गबहादुर विश्वकर्मा ‘प्रकाण्ड’ ले जारी गरेको प्रेस विज्ञप्तिमा जनाइएको छ ।

सहमतिका विवरण सार्वजनिक समारोहमा प्रधानमन्त्री केपी शर्मा ओली र नेकपाका तर्फबाट महासचिव विप्लवले सम्बोधन गर्ने कार्यक्रम रहेको जनाइएको छ ।

सरकारले विप्लव समूहले हिंसात्मक गतिविधि गरेको भन्दै २०७५ फागुन २८ गते प्रतिबन्धको घोषणा गरेका थियो । प्रतिबन्ध लगाएको दुई वर्षको अवधिमा देशका विभिन्न ठाउँबाट २ हजार ६४ जना नेता तथा कार्यकर्ता पक्राउ परेका थिए ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ फाल्गुन २०, १२: १४

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ फाल्गुन २०, १२: १४

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ फाल्गुन २०, १२: १४

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...