जसपाले संसदीय दलको नेता छान्न सकेन, ओली नेतृत्वको सरकारमा भने नजाने – Naya Bikalpa
November 21, 2026, Saturday      Epaper

जसपाले संसदीय दलको नेता छान्न सकेन, ओली नेतृत्वको सरकारमा भने नजाने


नयाँ बिकल्प,
काठमाडौं । जनता समाजवादी पार्टी (जसपा) नेपालको शुक्रबार बसेको संसदीय दलको बैठकले दलको नेता चयन गर्न सकेन ।

नयाँ सत्ता समीकरणका लागि निर्णायक भूमिका निर्वाह गर्ने स्थानमा रहेको जसपा नेपालले अहिलेसम्म आफ्नै संसदीय दलको नेता चयन गर्न सकेको छैन । संसदीय दलको नेताका लागि महन्थ ठाकुर, उपेन्द्र यादव, राजेन्द्र महतो, डा बाबुराम भट्टराई आकांक्षी छा् ।

जसपा एकीकरण पूर्व ठाकुर तत्कालिन राष्ट्रिय जनता पार्टी (नेपाल) को समेत संसदीय दलका नेता थिए भने यादव तत्कालिन जनता समाजवादी पार्टी संसदीय दलका नेता थिए ।

महतो तत्कालिन राजापा संसदीय दलका आकांक्षी थिए भने पूर्वप्रधानमन्त्री भट्टराई एक्लो संसदीय दल नयाँ शक्ति पार्टीका सांसद थिए । बैठकमा संसदीय दलको विधानसमेत प्रस्तुत भएको थियो । विधान अध्ययन गरी अर्को बैठकमा पारित गर्ने जनाइएको छ ।

जसपा नेपालका शीर्ष नेताहरु शुक्रबार नै नेपाली काँग्रेससँग छलफल गर्न काँग्रेस सभापति शेरबहादुर देउवाको निवास बुढानिलकण्ठ गएका छन् ।

छलफल गर्नका लागि जसपाका नेताहरु महन्थ ठाकुर, उपेन्द्र यादव, डा. बाबुराम भट्टराई, राजेन्द्र महतो लगायतका नेताहरु बूढानीलकण्ठ पुगेका छन् ।

जसपा नेपालका सांसद राजकिशोर यादवले जसपालाई सत्ताको लागि प्रयोग भएको आरोप लाग्ने गरेकोले अब नेतृत्व गर्ने तयारी भइरहेको बताए । उनले काँग्रेस र एमालेसँग जसपाले आफ्नै नेतृत्वमा सरकार बनाउने प्रस्ताव गर्ने बताए ।

तर जसपा नेताहरु महन्थ ठाकुर र उपेन्द्र यादवले भने केपी ओली नेतृत्वको सरकारमा जान नसकिने बताइसकेका छन् ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ फाल्गुन २८, १६: १५

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ फाल्गुन २८, १६: १५

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ फाल्गुन २८, १६: १५

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...