
नयाँ बिकल्प,
काठमाडौ – नेपाली कांग्रेस जिल्ला कार्य समिति बागलुङका सदस्य प्रकाश कुँवर र अर्का एक युवा दीपक नेपालीको होली खेल्ने क्रममा आइतबार हत्या भएको छ ।
बागलुङ जिल्लाको गुल्मी र प्यूठानसंग सीमा जोडिएको बल्देधुरीमा आइतबार होली खेल्ने क्रममा भएको असमझदारी र झगडाका क्रममा कुँवगर र नेपालीको हत्या भएको हुन सक्ने प्रहरीले आशंका गरेको छ ।
उनीहरुलाई योजनाबद्ध षडयन्त्रबाट हस्ता हत्या गरिएको हुन सक्ने भन्दै नेपाली कांग्रेसले गहिरो अनुसन्धान गरी दोषीहरुलाई अविलम्ब पक्राउ गर्न माग गरेको छ ।
‘कुँवर र नेपाली दुई युवाको मृत शरीर भिरबाट करिब चार सय मिटर तल भेटिनुले हत्यापछि फालिएको या भिरबाट धकेलेर हत्या गरिएको स्थिति देखिन्छ’, कांग्रेस प्रवक्ता विश्वप्रकाश शर्माद्वारा सोमबार जारी विज्ञप्तिमा भनिएको छ ।
अनुसन्धानलाई तीब्र बनाएर दोषी उम्कन नदिन घटनाको वास्तविकता सार्वजनिक गर्न नेपाली कांग्रेसले सरकारको गम्भीर ध्यानाकर्षण गराएको छ ।
घटनाको वास्तविक विवरण लिन, स्थानीयबासीसंग संवाद गर्न र जीवन गुमाएका युवाहरूका परिवारजन भेट्न पार्टीको बागलुङ जिल्ला सभापति दीपेन्द्रबहादुर थापा र पूर्व सभापति प्रकाश शर्मा पौडेलसहितको समूह सोमबार बिहान घटनास्थल गएको छ ।
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...