भारतीय सेनाद्वारा नेपाली सेनालाई एक लाख खोप प्रदान – Naya Bikalpa
November 21, 2026, Saturday      Epaper

भारतीय सेनाद्वारा नेपाली सेनालाई एक लाख खोप प्रदान


नयाँ बिकल्प,

काठमाडौं – मित्र राष्ट्र भारतको सेनाले नेपाली सेनालई एक लाख डोज कोभिड १९ बिरुद्धको खोप उपहारस्वरुप उपलब्ध गराएको छ ।

गत जनवरीमा ‘खोप मैत्री’ कार्यक्रम अन्तर्गत नेपाललाई दश लाख कोभिड–१९ विरुद्धको खोप भारत सरकारले दिएको थियो । भारतीय सेनाले नेपाली सेनालाई थप एक लाख कोभिड–१९ विरुद्धको कोभिशिल्ड खोप उपहारस्वरुप प्रदान गरेको छ ।

भारतको पुणेस्थित सिरम इन्टिच्यूटबाट एयर इण्डिया विमानमार्फत त्रिभुवन अन्तर्राष्ट्रिय विमानस्थलमा मंगलबार बेलुकी ल्याइएको उक्त खोप नेपालका लागि भारतका राजदूत विनय मोहन क्वात्राले नेपाली सेनालाई हस्तान्तरण गरेका हुन् ।

भारतले अघि बढाएको यो प्रयास दुई देशबीचको विशेष सम्बन्धको अर्काे एक अनुपम उदाहरण हुनुका साथै यसले भारतले आफ्नो छिमेकी प्रति देखाएको सदाशयताको रुपमा लिइएको छ ।

भारतले अबलम्बन गरेको ‘छिमेकी पहिलो’ नीति अनुरुप भारतीय सेनाका सेनाध्यक्ष महारथी मनोज मुकुन्द नरवणेले नेपाली समकक्षी महारथी पूर्णचन्द्र थापालाई भद्रकालीस्थित नेपाली सेनाको मुख्यालय जङ्गी अड्डामा आयोजित एक समारोहकाबीच भिडियो कन्फरेन्स मार्फत उक्त खोप प्रदान गरेका हुन् ।

भारतीय सेनाध्यक्ष जनरल नरवणे नेपाली सेनाका मानार्थ महारथी हुन् । गत नोभेम्बरमा भएको नेपाल भ्रमणका क्रममा नरवणेलाई नेपाली सेनाको मानार्थ महारथीको पदवी प्रदान गरिएको थियो ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७७ चैत्र १७, २०: ००

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७७ चैत्र १७, २०: ००

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ चैत्र १७, २०: ००

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...